11:45 22 Бирдин айы 2020
Түз эфир
  • USD69.8500
  • EUR75.5323
  • RUB1.0863
Дүйнөдө
Кыскача шилтеме алуу
352 0 0

Зурабишвили жана анын тарапташтары жеңишти майрамдап баштады.

БИШКЕК, 29-ноя. — Sputnik. Грузиянын президенттигине көз карандысыз талапкер болгон Саломе Зурабишвили шайлоодо берилген добуштардын 59,56 пайызын алды. Бул туурасында РИА Новости аталган өлкөнүн Борбордук шайлоо комиссиясына таянып кабарлады. 

Бул маалыматтар аталган орган бюллетендердин 99,7 пайызын санап бүткөндөн кийин айтылган.

Оппозициялык талапкер Григол Вашадзе алдын ала алынган маалыматтар боюнча добуштардын 40,44 пайызын топтогон. Оппозиция бейшемби күнү, бүгүн, мындан аркы кадамдары туурасында билдирерин айтса, ТИМдин мурдагы жетекчиси Зурабишвили жана анын тарапташтары жеңишти майрамдай баштады.

Грузиядагы президенттик шайлоонун экинчи туру кечээ, 28-ноябрда, өттү. Зурабишвилини шайлоочулардын 1,14 миллиону, ал эми Вашадзени 778 миң адам колдогон. Алдын ала берилген маалыматтарга караганда, добуш берүүгө шайлоочулардын 56,23 пайызы келди. Буга чет жакта жүргөн грузиялыктар кошулган жок.

БШК 3703 шайлоо участогун уюштуруп, анын 55и чет өлкөдө ачылганын айтты. Ал эми добуш берүүчүлөрдүн жалпы саны 3 528 658 экени маалымдалды.

Грузиянын ИИМи менен БШКсы президенттик шайлоо кээ бир мыйзам бузууларды эске албаганда жалпысынан тынч өткөнүн билдирди.

Өлкөдө президенттик ыйгарым укуктун мөөнөтү алты жыл. Бул мамлекет башчысын эл түздөн-түз шайлаган акыркы жараян. Маалыматта мындан ары президентти 2023-жылдан тарта 300 делегат дайындай турганы айтылган.

Белгилер:
добуш берүү, президенттик шайлоо, БШК, Саломе Зурабишвили, Грузия

ЭҢ МААНИЛҮҮ