14:38 21 Жетинин айы 2018
Түз эфир
  • USD69.8310
  • EUR79.8168
  • RUB1.0647
Америкалык модель Хэйли Болдуин. Архив

Жастин Бибер белгилүү Голливуд актерунун кызына үйлөндү. Эки жаштын сүрөттөрү

© AP Photo / Joel C Ryan
Дүйнөдө
Кыскача шилтеме алуу
805 0 0

Эки жаш кечээ, 14-сентябрда, Нью-Йорктогу сотто нике каттоосунан өткөн.

БИШКЕК, 15-сен. — Sputnik. Канадалык белгилүү ырчы Жастин Бибер америкалык модель Хейли Болдуинге үйлөндү. Бул туурасында People жаңылыктар порталы жазып чыкты.

Түгөйлөрдүн жакындары кечээ, 14-сентябрда, эки жаш Нью-Йорктогу сотто нике каттоосунан өткөнүн айткан.

​Социалдык тармактарда 21 жаштагы Бибер менен 24 жаштагы Болдуиндин кол кармашып чиркөөгө кирип бараткан сүрөтү тарады. Күбөлөр экөө тең жаркын маанайда экенин, ырчынын толкунданып турганын белгилешкен.

​Маалыматка караганда алар туугандары жана достору үчүн үлпөт тоюн кийинчерээк өткөрүшөт.

Хейли Болдуин — Голливуд актеру Стивен Болдуиндин кичүү кызы жана кино жылдызы Алек Болдуиндин тууганы. Ал Бибер менен 2015-2016 жылдары ынак мамиледе жүрүп, бирок жаштар кайра эки ажырым жолго түшүшкөн. Анткен менен эки ай мурда Жастин ырчы Селена Гоместен кол үзгөндөн кийин жаштардын мамилеси кайрадан жанданган.

Ал эми 7-июль күнү Бибер Багам аралында эс алуу учурунда сүйүктүүсүнүн колун сураганы белгилүү болду.

Тема боюнча

Бир пост үчүн миллион доллар! Instagram баракчасы менен оңбогон акча тапкандар
Дүңгүрөгөн тойлор! Салымбековдун уулунан Курсан Асановдун кызына чейин
Месси бала чактан арзыган ашыгына үйлөндү. Үлпөт тойдон ирмемдер
Белгилер:
үйлөнүү, модель, ырчы, Хейли Болдуин, Жастин Бибер
Колдонуу эрежелериПикирлер

ЭҢ МААНИЛҮҮ