02:21 16 Тогуздун айы 2018
Түз эфир
  • USD69.1798
  • EUR80.0687
  • RUB1.0522
АКШнын президенти Дональд Трамп Түндүк Корея лидери  Ким Чен Ын менен. Архивдик сүрөт

Трамп Түндүк Кореяга киргизилген санкцияларды токтотту

© REUTERS / JONATHAN ERNST
Дүйнөдө
Кыскача шилтеме алуу
43810

Түндүк Кореяга 300 позиция боюнча санкция киргизилген болчу.

БИШКЕК, 12-июн. — Sputnik. АКШнын президенти Дональд Трамп Түндүк Кореяга карата киргизилген 300 позиция боюнча санкциялар токтотулганын айтты. Бул тууралуу РИА Новости агенттиги жазып чыкты.

"Менде 300 санкция бар болчу", — деп Трамп маалымат жыйында журналисттерге билдирген. Ал өз сөзүндө эми аларды киргизүүдөн баш тартканын, анткени "сыйлабастыкка" жатарын белгилеген.

"Бирок биз санкция киргизүү мүмкүнчүлүгүн жоготпойбуз", — деп Трамп сөзүн улады.

АКШ президенти ошондой эле Түндүк Корея менен болгон сүйлөшүүлөр туура багытта жүрүп жаткан учурда аймакта аскердик машыгууларды өткөрбөй турганын маалымдады. Бирок ошол эле учурда АКШ Түштүк Кореядагы аскер базаларынын көлөмүн азайтпай турганын айтты.

Трамп журналисттин суроолоруна жооп берип жатып, Пхеньян менен дипломатиялык мамиле курууга даяр экенин, бирок ал "дароо эле" болуп кетпей турганын билдирди.

Түндүк Корея менен АКШнын лидерлери Сингапурда өткөн саммиттин жыйынтыгында жыйынтыктоочу документке кол койду. Келишимге ылайык, Трамп Түндүк Кореяга коопсуздукту кепилдөө милдетин алган. Өз кезегинде Ким Чен Ын Корея жарым аралында өзөктүк куралдан толук баш тартууга даяр экенин белгилеген.

Эки тарап ошондой эле тышкы иштер министрлеринин деңгээлинде жолугушуу өткөрүү милдетин алышкан. ТИМ башчылары саммитте жетишилген келишимдерди ишке ашырууну талкуулашат.

Ким Чен Ын кол коюлган документтерди тарыхый деп атап, жаңы башталыштын жышааны экенин айткан. Ал эми Трамп саммиттин жыйынтыгына сыймыктана турганын белгиледи.

Тарыхый жолугушууга даярдыктар быйыл жаздан тарта башталган. Жолугушуунун ишке ашышын Түндүк Корея менен Түштүк Кореянын лидерлеринин жолугушуусу жана АКШнын мамлекеттик катчысы Майк Помпеонун Пхеньянга болгон сапары илгерилеткен.

Тема боюнча

Ким Чен Ын менен Дональд Трамп акыры Сингапурда жолугушту
Трамп кесиптеши Ким Чен Ын менен жолугуу үчүн Сингапурга келди
Белгилер:
санкциялар, саясат, Ким Чен Ын, Дональд Трамп, Түндүк Корея, АКШ
Колдонуу эрежелериПикирлер

ЭҢ МААНИЛҮҮ