БИШКЕК, 24-cен. — Sputnik. Мексикада жер титирөөдөн каза болгондордун саны 305ге жетти. Бул тууралуу РИА Новости өлкөнүн улуттук куткаруу кызматынын жетекчиси Луис Фелипе Пуэнтенин билдирүүсүнө таянып кабарлады.
Буга чейин зилзаладан көз жумгандардын саны 291ге жеткени маалым болгон.
20 Аяк оона 2017, 10:18
Пуэнте өзүнүн Twitter баракчасына жаратылыш кырсыгынан Мехико штаты көбүрөөк жабыркап, ал жакта 167 адам каза болгонун жазган. Мындан сырткары, Оахака, Пуэбла, Герреро, Мехико жана Морелос штаттарында да жер силкинүү катталган.
Эске салсак, 12-сентябрь күнү Мексикада күчү 7,1 баллга жеткен жер силкинүү катталган. Жер титирөөнүн борбору Пуэбла-де-Сарагоса шаарынан түштүк–батышты көздөй 49 чакырым, ал эми Тепеохум деп аталган эл жашаган жайдан 8 чакырым алыстыкта жайгашкан. Адистер зилзала очогу жер алдында, 60 чакырым тереңдикте жайгашкандыгын билдиришкен.
