Кырсык учурунда автобустун ичинде 28 адам болгондугу айтылууда.
БИШКЕК, 2-июл. — Sputnik. Татарстанда автобус менен жүк ташыган автоунаа кагышып, 13 адам каза тапты. Бул туурасында РИА Новости Саламаттыкты сактоо министрлигинин аймактык бөлүмүнө шилтеме кылып кабарлады.
Окуя Самара — Ижевск каттамында болгон. Заинск шаарынан алыс эмес жерде жекшембиге караган түнү автобус менен жүк ташыган автоунаа кагышкан. Автобус аласалып, андан соң күйүп кеткен. Алгач, 10 адам каза тапкандыгы, анын ичинен экөө балдар экени айтылган.
Заинск шаарынан алыс эмес жерде жекшембиге караган түнү автобус менен жүк ташыган автоунаа кагышкан.
Чукул кырдаалдар кызматынан каза болгондордун саны 13кө жеткендигин кошумча билдиришкен.
"Кырсык учурунда айдоочуну кошкондо автобустун ичинде 28 жүргүнчү болгон. Алардын 13ү каза таап, 12 стационардык, ал эми үчөө амбулатордук дарыланууга жөнөтүлдү", — деп айтты министрликтин өкүлү.
Окуядан кийин маалымат алып туруу үчүн (843) 227-46-96 номери элге жарыяланды.
