Рахмондун Трамп менен силкилдеше кол алышканы күлкүгө салды

© Фотохост-агентство / Медиабанкка өтүүТажикстандын президенти Эмомали Рахмондун архивдик сүрөтү
Тажикстандын президенти Эмомали Рахмондун архивдик сүрөтү - Sputnik Кыргызстан
Жазылуу
Эки мамлекеттин президенттеринин кол алышуусундагы күтүлбөгөн абалды кыргызстандын жараны байкап Twitter баракчасына жазган. Андан кийин аны Американын жана Британиянын басылмалары да жазган.

БИШКЕК, 24-май — Sputnik. Социалдык тармактын колдонуучулары АКШ президенти Дональд Трамп менен Тажикстандын президенти Эмомали Рахмондун катуу кол алышканы социалдык тармактын колдонуучуларын күлкүгө салды.

Рахмон Трамп менен Сауд Аравиянын Эр-Рияд шаарында "АКШ — Ислам дүйнөсү" саммитинин алкагында жолугушкан. Трамп андан сырткары, казак президенти Нурсултан Назарбаев жана өзбек президенти Шавкат Мирзиёев менен жолуккан.

Трамп башкалар менен кол алышканда аларды өзүнө тартып, оңтойсуз абалда калтырып келгени менен белгилүү.

Эмомали Рахмон Трамптын мындай адаты бар экенин билип, алдын ала даярданган окшойт деген пикирлерин социалдык тармактын колдонуучулары жазууда.

Визит президента США Дональда Трампа в Италию - Sputnik Кыргызстан
Меланья Трамп күйөөсүн кайтадан оңтойсуз абалда калтырды
Эки мамлекеттин президенттеринин кол алышуусундагы күтүлбөгөн абалды Кыргызстандын жараны байкап Twitter баракчасына жазган. Андан кийин аны Американын жана Британиянын басылмалары да жазган. A_Imanaliev деген ат менен катталган КР жараны буга чейин АКШ президенти башка мамлекеттин жетекчилери менен Кыргызстандын желегинин алдында түшкөн сүрөттөрүн жарыялаган болчу. 

Анын бул жазгандары микроблогдо катуу талкууланып, Twitter социалдык тармагынын трендине кирген. Ал жакка сайтта эң көп талкууланган жазуулар чыгып калат.

​Эки президенттин кол алышуусун атактуу кишилер да жазып чыгышты. Алардын катарында америкалык актер Жеффри Райт дагы бар.

"Эми Америка Тажикстанга согуш жарыялашы керек", — деп BuzzFeedBiz порталынын маалымат редактору Том Гара жазган.

Washington Post гезити да өз материалында кыргызстандык колдонуучунун жазгандарын колдонгон.

Жаңылыктар түрмөгү
0