07:30 19 Аяк оона 2021
Түз эфир
  • USD84.7772
  • EUR99.8421
  • RUB1.1684
Дүйнөдө
Кыскача шилтеме алуу
26 0 0

Жоомарт Оторбаев Россиянын Жогорку муфтийи Талгат Таджуддин менен диний саясат жана тарбия маселесин талкуулады.

БИШКЕК, 3-дек — Sputnik. Премьер-министр Жоомарт Оторбаев шаршембиде Россиянын борбордук мусулмандар диний башкармалыгынын төрагасы, Россиянын Жогорку муфтийи Талгат Таджуддин менен жолукту. Бул туурасында өкмөттүн маалымат саясаты боюнча бөлүмүнөн билдиришти. 

Жолугушуу учурунда Жоомарт Оторбаев маектешине өлкөдө жакын арада Кыргыз Республикасынын 2014-2020-жылдарга карата Диний тармактагы мамлекеттик саясат концепциясы кабыл алынгандыгын маалымдады.

"Концепцияда дин кармануу, динди саясатташтыруунун алдын алуу үчүн диний уюмдар ишкердүүлүгүнүн чегин белгилөө, диний негиздеги экстремисттик ишмердүүлүккө жол бербөөгө көңүл бурулган", — деп белгиледи Кыргыз өкмөтүнүн жетекчиси.

Талгат Таджуддин өлкөлөр ортосундагы маданий-руханий жана гуманитардык кызматташтык деңгээлдеги байланыштарды чыңдоонун маанилүүлүгүн айтты. 

"Заманбап шартта жалпы адамзаттык баалуулуктарды жана моралдык-этикалык ченемдердин сакталышы абдан актуалдуу мүнөзгө ээ болууда. Мында диндин ролу башкы орунда туруусу керек. Биз жаштарды сабырдуулукка, эмгекчилдикке, башкаларга күйүмдүү болууга тарбиялообуз зарыл", — деди Россиянын Жогорку муфтийи Талгат Таджуддин.

Глава ОАО «Газпром» Алексей Миллер
© Пресс-служба правительства / Сабыр Аильчиев
Өкмөт башчы Россиянын борбордук мусулмандар диний башкармалыгынын төрагасына диний жааттагы тийиштүү мамлекеттик ведомстволор ортосундагы кызматташууну жана тажрыйба алмашууну жөнгө салуу жана Россия менен Кыргызстандын диний башкармалыктар аралык өз-ара иштешүүнү жандандыруу сунушун киргизди.

Кыргызстандын өкмөт башчысы Россия жана Кыргызстандын эл аралык ислам баарлашуусу, жарандык ынтымакты жана тынчтыкты чыңдоо, экстремизм жана радикализмдин алдын алуу, жаштар менен агартуу жана тарбия иштерин жүргүзүү жаатында өз-ара аракеттешүүнү чыңдоо зарылдыгын кошумчалады.

Белгилер:
Россия, Кыргызстан, Жоомарт Оторбаев, Талгат Таджуддин

ЭҢ МААНИЛҮҮ