Арстандарды байкабай калган гиена жырткычтарга жем болду. Видео

Жазылуу
Түштүк Африкадагы Крюгер коругуна баргандар арстандардын гиенага кол салган учурун видеого тартып алышкан.

Роликтин автору Марк Кронье аны жаратылыш паркынын YouTube каналына жарыялады.

Кроньенин айтымында, гиена суу ичкени бара жаткан. Ал жол жээгинде турган арстандарды байкаган эмес. Жырткычтар аны көрөрү менен артынан заматта кууп жетип, баса калышкан.

"Гиена арстандарды көргөндө биздин чатырды көздөй чуркады. Жаныбарлардын көпкө созулбаган кармашы бизден анча алыс эмес жерде болду", — деп жазган Кронье.

Түштүк Африкадагы Крюгер паркынын YouTube каналына жаныбарлардын бүйүр кызыткан ар кандай видеолору жарыяланып турат. Өткөндө арстандын азуусунан качып кутулган кабыландын видеосу тараган.

Жаңылыктар түрмөгү
0