Кыздардан кыя өтпөй. Туристти бир нече ирет өпкөн шимпанзенин видеосу

Жазылуу
Турист тарткан кадрдан шимпанзе аялды туурап айнекке жакын келип, ага жооп кылып өпкөнүн көрүүгө болот.

БИШКЕК, 12-мар. — Sputnik. Американын Альбукерке шаарындагы зоопаркта шимпанзенин өпкөндү жакшы көргөн видеосу интернет айдыңына тарап, анын кылыгы көптөрдүн күлкүсүн жаратты. Бул туурасында Daily Mail басылмасы жазды.

Видео YouTube каналына жарыяланган.

Турист тарткан кадрдан анын аялы айнекке ыктап, өбүшүп жаткандай түр көрсөткөнү байкалат. Аны көргөн шимпанзе аялды туурап айнекке жакын келип, ага жооп кылып өпкөнүн көрүүгө болот.

Роликтин автору туристке кызыкпай, ал эми кыз гимнаст болгондуктан, анын көңүлүн бурдуруу үчүн атайын көнүгүү жасап аракет кылган.

"Муну көргөн маймыл кызыгып карап, андан соң колдорун айнекке тийгизди. Келинчегим аны туурап чыканактап турду. Андан соң шимпанзени тиктеп туруп, өөп жаткан сымал түр көрсөтсө, ал да жооп кылды", — деп күлүп айтып берген.

Буга чейин Instagram тиркемесин адамдардай эле колдонуп жаткан шимпанзенин видеосу да элди күлкүгө салган. Анда маймылдын iPhone телефонун шыпылдатып пайдаланып жатканын көрүүгө болот.

Жаңылыктар түрмөгү
0