22:56 31 Бугу 2020
Түз эфир
  • USD73.7678
  • EUR82.0114
  • RUB1.0426
Видео

Казакстанда дагы феминисттердин жүрүшү болуп өттү. Видео

Кыскача шилтеме алуу
258 0 0

Активист кыз-келиндер бир нече квартал басышты. Алар Кылмыш кодексине үй-бүлөлүк зомбулук жөнүндө берене киргизүү жана сексуалдык ыдык көрсөтүүгө тыюу салган мыйзам кабыл алууну талап кылышты.

Бүгүн, 8-март күнү, Алматыда феминисттер жүрүшкө чыкканын Sputnik Казакстан жазды.

Акция эртең менен башталып, ага 50дөй адам катышты.

"Активист кыз-келиндер бир нече кварталга басып, "Менин денем — менин ишим", "Аялдардын эркиндиги үчүн" деген сыяктуу лозунгдарды көтөрүп чыгышты", — деп жазды агенттик.

Катышуучулардын бири анын максаты — сексуалдык ыдык көрсөтүүгө каршы мыйзам кабыл алуу жана Кылмыш кодексине үй-бүлөлүк зомбулук жөнүндөгү берене киргизүү экенин айтты.

"Укук коргоо органдары жүрүштүн уюштуруучуларына каршы административдик чара көрүшү мүмкүн. Бирок Алматынын полициясы кырдаалга комментарий бере элек", — деп айтылат маалыматта.

Бишкекте дагы феминисттердин жүрүшү пландалган, бирок аны өткөрүүгө жол берилген жок. Алгач акцияны 30га чукул белгисиз адамдар келип токтотууга аракет жасашты, ортодо ызы-чуу жаралгандыктан милиция келип марштын катышуучуларын автобустарга салып кетти.

Тема боюнча

Бишкектеги феминисттерди милициянын автобустарга салган видеосу
Белгилер:
Аялдардын эл аралык күнү, Казакстан, Кыргызстан

Дагы видео

ЭҢ МААНИЛҮҮ