03:10 22 Жетинин айы 2019
Түз эфир
  • USD69.8500
  • EUR77.4357
  • RUB1.0941
Видео

"Кудаймын" деп депутаттын тынчын алган Арстан Алай текшерилет. Видео

Кыскача шилтеме алуу
515 0 0
© Видео / пресс-служба Жогорку Кенеша

Бир нече күндөн бери Арстанбек Абдылдаев өзүн "Кудай" деп атап, социалдык тармактар аркылуу түрдүү билдирүүлөрдү жасап жаткан.

Коомчулукта "Арстан Алай" деген ат менен белгилүү Арстанбек Абдылдаевдин "Мен - Кудаймын" деп айткан сөзү экспертизага жөнөтүлдү. Бул тууралуу Дин иштери боюнча мамлекеттик комиссиянын жетекчиси Зайырбек Эргешов парламенттин жыйынында билдирди.

Депутат Улугбек Ормонов Кыргызстанда расмий түрдө катталбай ишмердүүлүгүн жүргүзүп жаткан диний уюмдардын бар-жогуна кызыккан.

"Расмий катталбаган диний уюмдар жок. Буга чейин 20 уюмга сот тарабынан тыюу салынган. Аларга күч органдары мыйзамдын негизинде тыюу салат. Теңирчилер буга чейин кайрылган. 2016-жылы соттун чечими менен комплекстүү анализ жүргүзүп, кайрадан ишин кароо тапшырылган. Алар ошол бойдон документин бере элек. "Кудаймын" деп айтып жаткан кишинин өзүнө карата материал экспертизага жөнөтүлгөн. Анын жыйынтыгына жараша чара көрүлөт", — деди Эргешов.

Эл өкүлү "андай болсо эмнеге "Мен — Кудаймын" деп кыйкырып жүрөт, алар кандай жаза алды?" деп суроо салды. Ага ички иштер министринин орун басары Мирлан Каниметов жооп берди.

"Теңирчилердин айткан сөздөрү экстремисттик, улуттар аралык кастыкты козутууга дал келбейт. Экспертизанын чечими жок. Жоопко тарта албайбыз. Дин уюмдун иш-аракети мыйзамга каршы келбесе кароого мүмкүн эмес", — деди Каниметов.

Белгилей кетсек, бир нече күндөн бери Арстанбек Абдылдаев социалдык тармактар аркылуу өзүн "Кудай" деп атап, түрдүү билдирүүлөрдү жасап жаткан.

Тема боюнча

Депутаттардын тиешеси бар ишканалардын миллиондогон карызын кечүү сунушталды. Иликтөө
Ирландиялык киши өзүнүн тажыясында ыйлаган элди күлдүрдү. Видео
Үй алам деп алдангандардын үнүн ким угат? Депутат менен министрликтин ача пикири
Белгилер:
экспертиза, Улугбек Ормонов, депутат, кудай, Арстанбек Абдылдаев

Дагы видео

ЭҢ МААНИЛҮҮ