БИШКЕК, 2-апр. — Sputnik. Рим папасы Франциск аргентиналык футболчу, "Барселона" клубунун капитаны Лионель Мессини Кудай деп атабоого чакырды. Бул тууралуу Р-Спорт жазды.
Анын айтымында, адамды Кудайга теңөө туура эмес.
"Теория жагынан алганда Мессини Кудай деп айтуунун өзү акмакчылык. Көрсөткөн мыкты оюнуна суктангандар аны Кудай деп айтышы мүмкүн. Бирок киши бир гана Кудайдын өзүнө сыйынуусу керек. Күйөрмандар аны "футбол кудайы" деп жүрүшөт. Албетте анын ойногонунда кеп жок. Бирок ал Кудай эмес", — деди Рим папасы.
Лионель Месси — футбол тарыхындагы эң мыкты оюнчулардын бири. Ал жылдын мыкты оюнчусуна берилчү "Алтын топ" сыйлыгына беш ирет ээ болгон.
