17:35 17 Аяк оона 2019
Түз эфир
  • USD69.7942
  • EUR76.9027
  • RUB1.0885
Видео

Оодара чаап, айласын кетирип... Рамоновдун коло байге алган видеосу

Кыскача шилтеме алуу
506 0 0

Кыргызстандык балбан Азия чемпионатында каршылашын 50 секунданын ичинде утуп, үчүнчү орунга татыды.

Грек-рим күрөшүнүн балбаны Мурат Рамоновдун чоңдор арасындагы Азия чемпионатында коло байге үчүн кармашып ийгиликке жеткен видеосун Бириккен күрөш уюму (UWW) YouTube каналына жүктөдү.

Ушу тапта Кытайдын Сиань шаарында күрөш түрлөрү боюнча Азия чемпионаты өтүүдө. Турнир бүгүн аяктайт.

Мелдештин алкагында Мурат Рамонов 130 килограммдагылар арасында күч сынашкан. Чейрек финалда жеңишке, ал эми жарым финалда утулуп калгандыгы үчүн коло байге үчүн күрөшмөй болгон. Чечүүчү кармашта кореялык Минсок Кимди 50 секунданын ичинде жер караткан.

Рамонов ушуну менен курама командага алтынчы байгени алып келип жатат. Кыз-келиндер арасындагы күрөштө Айсулуу Тыныбекова алтын, Мээрим Жуманазарова коло, эркин күрөштөн Алигаджи Гамидгаджиев күмүш, Ойбек Насыров коло алса, грек-рим күрөшүнөн Асан Сулайманов үчүнчү орунду камсыздаган.

Тема боюнча

10:0! Мээрим Жуманазарова казак балбанын баш көтөртпөй жеңип, коло тагынды. Видео
Айсулуу Тыныбековага алтын алып келген беттештин толук видеосу
Белгилер:
коло, жеңиш, грек-рим күрөшү, Азия чемпионаты, Мурат Рамонов

Дагы видео

ЭҢ МААНИЛҮҮ