12:32 14 Жетинин айы 2019
Түз эфир
  • USD69.8500
  • EUR76.8979
  • RUB1.0880
Видео

Аттан кулаган, ылай болгон депутаттар. Аткаминерлер ойногон көк бөрүнүн видеосу

Кыскача шилтеме алуу
1029710
© Sputnik / Эмиль Садыров

Бүгүн креслодо отурган аткаминерлер ээрге минип, кагаз, калем кармаган журналисттер улак эңип көк бөрү талаасында күчүн сынашты. Sputnik Кыргызстан агенттиги ушул оюндан тартылган кызыктуу ирмемдерди окурмандарга сунуштайт.

Бүгүн Ата Мекенди коргоо күнүнө карата Бишкектеги "Ак-Кула" ат майданында көк бөрү боюнча жолдоштук беттеш өткөрүлдү. Мунусунда профессионал көк бөрүчүлөр ойногон жок. Алардын ордуна депутаттар, өкмөт мүчөлөрү жана журналисттер ат үстүндө күчүн сынап, улак тартышты.

Жалпысынан төрт команда ат салышты

Оюнга биринчилерден болуп вице-премьер Замирбек Аскаров жетектеген өкмөт менен Көк бөрү федерациясынын президенти Жыргалбек Саматов башында турган Жаштар иши, дене тарбия жана спорт агенттигинин командасы чыкты. Бул беттеш 6:5 эсеби менен өкмөттүн пайдасына чечилди

Экинчи оюнда Жогорку Кеңеш менен Жалпыга маалымдоо каражаттарынын өкүлдөрү беттешти. Журналисттер чеберчилигин көрсөтүп катуу каршы турду. Негизги оюнда эсеп саны ачылбай, кошумча 10 мүнөт берилгенде депутаттар бир улак сала коюп, жеңип кетти

Мындай жыйынтыктан кийин алдыңкы орундар үчүн кармаш жүрүп Спорт агенттиги журналисттердин командасын утуп үчүнчү орунду алды. Ал эми депутаттар менен өкмөт мүчөлөрү финалда ат салышып, 2:0 эсебинде эл өкүлдөрү жеңишти камсыздады

Өкмөттүн жана Жогорку Кеңештин атынан кимдер ойногонун бул жактан көрө аласыздар.

Бул турнирди ЖК депутаты Канатбек Исаев демилгелеп, Жаштар иши, дене тарбия жана спорт агенттиги менен Көк бөрү федерациясы уюштурган.

Максаты көк бөрү оюнун өнүктүрүү жана эл арасына жайылтуу, ошондой эле сергек жашоого үндөө, достук мамилени чыңдоо болуп саналат.

Тема боюнча

Депутаттар менен өкмөт мүчөлөрү ат үстүндө күч сынашып, көк бөрү ойнойт
Көк бөрүдө депутаттар журналисттер менен катуу тирешип утуп алды
Депутаттар көк бөрү талаасында өкмөттүн айласын кетирди
Көк бөрү беттешинде өкмөт Спорт агенттигин утуп алды. Оюндун сүрөттөрү
Белгилер:
жеңиш, майрам, беттешүү, Көк бөрү, Спорт, журналист, өкмөт, депутат

Дагы видео

ЭҢ МААНИЛҮҮ