10:57 30 Бугу 2020
Түз эфир
  • USD73.7678
  • EUR82.0114
  • RUB1.0426
Видео

Жүрөк толкуйт! Азия оюндарында параддан өткөн кыргыз спортчулары видеодо

Кыскача шилтеме алуу
Азия оюндары — 2018 (47)
141220

Кыргызстандын улуттук курама командасынын XVIII Азия оюндарынынын ачылыш аземиндеги видеосу интернетке жүктөлдү. Аны Жаштар иши, дене тарбия жана спорт боюнча мамлекеттик агенттик жарыялаган.

Иш-чара кечээ, 18-августта, Индонезиянын Жакарта шаарынын "Гелора Бунг Карно" стадионунда өттү.

Ачылыш аземде Кыргызстандын желегин волейбол боюнча курама команданын капитаны Онолбек Каныбек уулу көтөрүп чыккан.

Видеодон спортчулардын тобун оор атлетика боюнча Олимпиада чемпиону Каныбек Осмоналиев коштоп баратканын көрүүгө болот. Ошондой эле алтын куштун формасын кийген бийкеч менен бурала бийлеген өнөрпоздордун таланты суктандырат.

Спорттук делегацияда жалпысынан 202 адам болсо, анын 149у — спортчу, калганы — машыктыруучу, калыс жана дарыгерлер.

Азия оюндары 18-августтан 2-сентябрга чейин Индонезиянын Жакарта жана Палембанг шаарларында өтмөкчү. Мелдештер спорттун 40 түрү боюнча өтсө, анын 32си олимпиадалык, сегизи спорттун олимпиадалык эмес түрлөрү. Жалпысынан 481 медаль комплектиси ойнотулат.

Ал эми кыргызстандык спортчулар спорттун 28 түрү боюнча күч сынашат (23 олимпиадалык, 5 олимпиадалык эмес оюндар).

Азия оюндары Жакартада экинчи ирет өтүп жатат, биринчи жолу 1962-жылы болгон.

Тема:
Азия оюндары — 2018 (47)

Тема боюнча

Кыргыз туусу Индонезияда желбиреди. Азия оюндарынын ачылышынын сүрөттөрү
Белгилер:
видео, бий, мелдеш, Азия оюндары, Кыргызстан, Индонезия

Дагы видео

ЭҢ МААНИЛҮҮ