Оюн соңуна чыкты. "Ак шумкарлар", тилекке каршы, япониялыктарга 5:1 эсеби менен утулуп калды.
Калыс кошумча эки мүнөт кошуп берди
Оюндун аяктаарына 2-3 мүнөт убакыт калды.
Фархад Мусабековго сары кагаз берилди
Мирлан Мурзаевдин ордуна Элдар Молдожунусов чыкты. Алимардон Шүкүровдун ордуна Эдгар Бернхардт ойноп жатат. Эдгар азыр оюн талаасында капитан макамында.
Кыргызстандыктар үчүн оюн жакшы болбой жатат. Дем-күч да баштагыдай эмес.
Япониялык спортчулар алда канча ыкчам, кыймылдуу экени көрүнүп турат.
Жаңы эле оюн талаасына чыккан япониялык оюнчу келе жаткан топту башы менен дарбазага киргизди.
Кыргыз футбол союзу социалдык тармактарга беттештин сүрөтүн жарыялады
Ушу тапта параллель өтүп жаткан Тажикстан — Мьянма оюнунда тажик футболчулары алдыда келе жатат.
Япония командасында алмашуу жүрүп жатат.
Беттештин аяктаарына 25 мүнөттөй калды. Оюн курч өтүүдө, япониялыктардын чабуулу күч.
Кыргызстандын командасында алмашуу жүрүп жатат. Турсунали Рустамовдун ордуна Эрнист Батырканов чыкты.
Кыргызстан контрчабуулга өттү. Гүлжигит Алыкулов айып талаага өтүп, топ тебүүгө аракет кылып, ою ишке ашпай калды.
Япониялык оюнчулар эсептеги айырмага карабай чабуул коюп жатышат. Алардын алда канча ыкчам экенин көрүүгө болот.
Мирлан Мурзаевге медициналык жардам көрсөтүлүүдө.
Биринчи тайм аяктады. Буюрса, кыргызстандык команда алгачкы бөлүктү жакшы маанай тартуулап бүтүрдү.
Мирлан Мурзаевдин алгачкы голу!!! Эсеп 3:1
Кыргызстандыктарга пенальти тебүүгө мүмкүнчүлүк берилди
Ал арада Тажикстандыен курама командасы Мьянманын дарбазасына гол киргизди. Мындай кырдаалда экинчи орунга дал Тажикстандын командасы чыгып калат.
Тилекке каршы, Мищенко менен Шүкүровдун айып тобун япон дарбазачысы тосуп алды.
Үчүнчү гол! Кайрадан баягы эле Адо. Эми топту башы менен киргизди.
Эсеп 2:0. Дагы Адо Онайву өзгөчөлөнө алды.
Топ япониялыктарда. "Көк самурайлардын" чеберчилиги мыкты деңгээлде экенин моюнга алыш керек.
Адо Онайвунун пенальтиден тебилген тобу гол болуп кирди. Пенальтиге Айзар Акматовдун топту кол менен тосуп калганы себеп болгон.
Япониялыктардын чабуулу аз жерден гол болуп кирип кете жаздады. Эсепти ачуудан Павел Матяштын чеберчилиги гана сактап калды.
Топ учурда кыргызстандыктарда
Алимардон Шүкүров, тилекке каршы, берилген мүмкүнчүлүктү ишке ашыра алган жок, топту өтө эле бийик көкөлөтүп жебирди.
Япониялыктар эреже бузду, кыргызстандыктардын айып топ киргизүү мүмкүнчүлүгү бар.
Оюндун 11-мүнөтү. Беттеш "көк самурайлардын" үстөмдүгү менен өтүп жатат.
Дагы бир кооптуу абал жаралып, топ, бактыга жараша, дарбазадан кыйгап өттү
Павел Матяш топту тосуп калды
Кооптуу абал жаралып, аз жерден топ кирип кете жаздады.
Топ япониялыктарда.
Ал арада Бишкекте фан-зона уюштурулган.
Кыргызстандын командасы чабуулу да оңунан чыкпай калды. Күйөрмандар, баарыбыз азыр Ак шумкарлардан кызыктуу оюн көрсөтүшүн күтүп жатабыз.
Япондор дароо эле чабуулдан баштады. Бирок максатына жеткен жок. Азырынча талаа ээлери үстөмдүк кылып жатышат.
Ушу тапта Кыргызстандын гимни жаңырып, андан соң Япониянын гимни ырдала баштады. Футболчулар оюн талаасында.
Marathonbet букмекердик конторасынын котировкасы сунушталат. Кашаанын ичинде эртең мененки көрсөткүч берилди:
Япониянын жеңишине — 1,87 (1,033);
тең эсеп — 10,75 (15,5);
Кыргызстандын жеңишине — 22 (33).
Бул тандоо турнири 2022-жылы өтчү Дүйнө чемпионаты менен 2023-жылы боло турган Азия Кубогуна карата ойнотулуп жатат.
Кийинки (үчүнчү) этапка бардык сегзи тайпанын жеңүүчүлөрү жана өз тайпаларында экинчи орун алган беш команда чыгат. Азия Кубогунун финалдык бөлүгүндө 12 команда ат салышат. Бул кайра эле жеңүүчүлөр жана экинчи орун алган командалардын тең жарымы болот.
Калган катышщуучулар Азия Кубогуна чыгуу үчүн аракетин улантмакчы. Бешинчи орун алган жана төртүнчү орунду ээлеген командаларындан теңи татаал квалификациядан (плей-оффтун кошумча раунду) өтүшү керек болот.
Павел Матяш амплуасы боюнча дарбазачы деп айтууга болот. Бир нече жыл мурун таптакыр алмашкыс эле. Матяш азыр 33 жашта, бою 197 сантиметр.
Карьерасын Бишкектин "Дордой" командасында ойноп баштаган, Канттын "Абдыш-Атасында" да ойноп, учурда борбор калаанын "Алга" командасында. Мальтанын "Мазия" клубунда да ойноого жетишкен.
Курама команданын курамы менен 40тай беттеш өткөргөн. 2019-жылдын Азия Кубогундагы биринчи оюнда автоголго жол берип, калган беттештерде дарбазага Кутман Кадырбеков турган.
Японияда өтчү турнирде негизги курамга кошулбай, резервде калган. Команданын дарбазачыларынын баары оорулуу менен байланышта болгон деп "сары" тизмеге кирип калгандыктан жок дегенде Япония менен болчу беттешке жетишип калсын деген максатта Бишкектен жөнөтүлгөн. Ага чейин дарбазага коргоочу Айзар Акматов менен чабуулчу Эрнист Батырбеков туруп жатканы маалым.
Оюндун түз эфирин КТРК Sport, Kyrgyz Sport TV каналдарынан жана Sportrecs платформасынан табууга болот. Акыркы платформа Кыргызстандын аймагында гана жеткиликтүү.
Коргоочу Валерий Кичин, жарым коргоочу Бекжан Сагынбаев, дарбазачылар Валерий Кашуба, Кутман Кадырбеков жана Эржан Токатаев Япония менен болгон беттеште талаага чыкпай калды. Алар коронавирус жугузуп алышы мүмкүн деп "сары" тизмеге кирип калган.
Анткен менен Кыргыз футбол союзу оюнчулардын анализи таза чыкканын айтып келет. Бул чектөөлөр Япония өкмөтүнүн коронавируска көргөн чараларынын негизинде аткарылып жатканын кошумчалашкан.
Дүйнөлүк рейтингде "Көк самурайлар" 28-орунда турса, "Ак шумкарлар" 99-сапта. Бул тизмеде негизи эле Япониянын курама командасы Азиянын мыкты командасы болуп саналат.
Беттешти Оман менен Катардын арбитрлер бригадасы тескейт:
башкы арбитр — омандык Аль Якуби Омар Мубарак;
биринчи жардамчы — омандык Амбусаиди Нассер Салим;
экинчи жардамчы — катарлык Аль Марри Талеб Салем;
резервдеги арбитр — катарлык Аль Ясим Абдулрахман Ибрахим.
Япония менен Кыргызстандын командалары тарыхта болгону эки ирет кездешкен, анын бири 2018-жылы өткөн жолдоштук оюн болчу. Экинчи оюн 2019-жылы тандоо турунун алкагында өткөн. Эки матчта тең КР командасы утулууга дуушар болгон.
Павел Матяш — дарбазачы;
Кайрат Жыргалбек уулу, айзар Акматов, Темирлан Козубаев, Бахтияр Дүйшөбеков, Александр Мищенко — коргоочулар;
Фархад мусабеков, Турсунали Рустамов, Гүлжигит Алыкулов, Алимардон Шүкүров — жарым коргоочулар;
Мирлан Мурзаев (капитан) — чабуулчу.
Саламатсызбы, окурман. Бүгүн, 15-июнда, Кыргызстан менен Япониянын футбол боюнча курама командалары намыс талашат. Оюндун жүрүшүн Sputnik редакциясы тексттик трансляция аркылуу чагылдырмакчы. Сүрөт, видео жана акыркы жаңылыктын бардыгын ушул тексттик трансляциядан окуп, көрө аласыздар.
