18:58 26 Жетинин айы 2020
Түз эфир
  • USD84.7990
  • EUR101.0465
  • RUB1.1239
Спорт
Кыскача шилтеме алуу
Валентина Шевченконун Женнифер Майя менен беттеши (18)
2080 0 0

АКШнын Лас-Вегас шаарында UFC 255 турнири өтүп жатат. Анда кыргызстандык эже-сиңди Шевченколор биринчи жолу бир мелдешке катышууда.

Валентина Шевченко мелдештин негизги беттештеринин биринде эң жеңил салмакта төртүнчү ирет чемпиондук наамын коргоо үчүн октагонго чыгат. Анын атаандашы бразилиялык Женнифер Майя болмокчу.

Бүгүн буга чейинки беттеште Антонина Шевченко атаандашы бразилиялык Адриана Липскини техникалык нокаут менен утуп алды.

Учурда UFC 255 мелдеши кандай жүрүп жатканын Sputnik Кыргызстандын тексттик трансляциясынан окуңуз.

Жаңы билдирүү
  • 11:51
  • 11:48

    Валентина Шевченко чемпиондук наамын сактап калды

  • 11:40

    Раунддун аякташына эки мүнөттөй эле калды. Майянын бети жарылды. 

  • 11:38

    Шевченко чыканагы менен бет тушка дагы бир сокку урду. Валя грушага иштеп жаткандай эле каршылашын ургулап жатат. 

  • 11:37

    Адистер Шевченко 3:1 эсебинде алдыда экенин айтып жатышат. Учурда чечүүчү акыркы раунд башталды. 

  • 11:36

    Төртүнчү бөлүктө Валентина толук артыкчылык кылды, туруп таймашта бир канча соккусу атаандашына тийди. Азыр эми акыркы, бешинчи раунд башталат. 

  • 11:32

    Валентини соккунун артынан клинчке кирип, атаандашын дагы жерге жыгып алды. Шевченко Майяны башка-көзгө соккулап жатат. 

  • 11:30

    Раунддун ягында Валентина дагы бир тэйкдаунга жыкты. Валентина колу менен дагы удаа-удаа сокку уруп, Майянын бет тушуна тийгизди.

  • 11:25

    Үчүнчү раунд башталды

    Велентина атаандашына бут менен, артынан колу мен бет тушуна сокку урду. Дароо тэйкдаунга жыкты.

  • 11:23

    Экинчи раунд дагы аяктады

    Калыстар азырынча эсеп бир-бир деп боолголоп жатышат.

  • 11:22

    Женнифер Майя кыргызстандык мушкерди жерге жыгып алды, азырынча сокку ура албай жатат. Шевченко астында калса да атаандашына сокку урганга мүмкүнчүлүк бербей жатат.

  • 11:19

    Валентина экинчи раунд башталары менен атаандашын дагы тэйкдаунга жыгып алды. Мушкерлер кайра туруп, торго жөлөнгөн позицияда кармашып жатышат.

  • 11:17

    Биринчи раунд аяктады

    Валентина раунддун акыркы секунддарында баш тушка дагы бир-эки сокку уруп жетишти.

  • 11:16

    Шевченко астында жаткан атаандашынын ич жана баш жагына сокку уруп жатат.

  • 11:15

    Женнифер азырынча коргонуу менен убара болуп турат, Валентина үстөмдүк кылып жатат. 

  • 11:14

    Шевченко атаандашын биринчи эле кармашканда жерге жыгып алды. Учурда партерде кармаш жүрүп жатат.
    Кыргызстандык мушкер кыз ыңгайлуу позицияны ээлеп алып, атаандашынын үстүндө жатып чабуулду пландап жатат. 

  • 11:12

    Валентина менен Женнифер беттеше баштады.

    Мушкерлер тааныштырылып, эрежелер эскертилип, кармаш башталды. 

  • 11:09

    Шевченко командасы менен октагонго келди

  • 11:06

    Валентина Шевченко октагонго чыгууга даярданып жатат

  • 11:03

    Октагонго Женнифер Майя чыгып келе жатат

    UFC уюмунун кыз-келиндер дивизионунунун эң жеңил салмактагы чемпиондук наамы үчүн беттеш башталганы жатат. Анда кыргызстандык мушкер Валентина Шевченко чемпиондук курун коргойт, ал эми ага бразилиялык Женнифер атаандаш болот. Адистер Женнифердин жеңишке болгон мүмкүнчүлүгү аз экенин айтышууда.

  • 11:03
  • 10:53

    Учурда алардын беттеш алдындагы даярдыктарын, дене жибитип, сокку, алыш ыкмаларын кайталап даярданып жатышканын көрсөтүүдө.

  • 10:52

    UFC уюмунун кыз-келиндер дивизионунун эң жеңил салмактагы чемпиондук наамы үчүн беттеш башталганы жатат. Анда кыргызстандык мушкер Валентина Шевченко чемпиондук курун коргойт, ал эми ага бразилиялык Женнифер атаандаш болот.

  • 10:46

    Калыстардын чечими менен Тим Минс жеңишке жетти. 

  • 10:40

    Шевченко ушуну менен чемпиондук титулун төртүнчү ирет коргойт. 

  • 10:33

    Валентина Шевченко дагы бир беттештен кийин октагонго чыгат. Азыр болсо Майк Перри менен Тим Минс беттешип жатат. 

  • 10:31

    Учурда Майк Перри менен Тим Минс беттешип жатат. Перри буту менен чырмап алып, муунтуу ыкмасын жасаганга аракет кылып жатат.

    Бирок Перринин аракети натыйжа берген жок. Мушкерлер туруп мушташа башташты.

  • 10:30

    Валентина кийим которгон жайга баратат

  • 10:21

    Шевченконун бир тууганы жеңишке жетти

    Бүгүн, 22-ноябрда АКШнын Лас-Вегас шаарында өтүп жаткан UFC 255 турниринде кыргызстандык мушкер Антонина Шевченко бразилиялык Адриана Липскини техникалык нокаут менен утуп алды.

     

  • 10:20

    Лас-Вегаста Валентина Шевченконун беттеши болгону жатат

Тема:
Валентина Шевченконун Женнифер Майя менен беттеши (18)

Тема боюнча

Антонина Шевченко атаандашын техникалык нокаут менен утту. Видео
Валентина Шевченко карьерасын качан жана кантип жыйынтыктай турганын айтты
Кыргызстанга бармакпыз... Шевченко эстен кеткис саякаты тууралуу баяндап берди
Белгилер:
Валентина Шевченко, мелдеш, UFC, Антонина Шевченко

ЭҢ МААНИЛҮҮ