БИШКЕК, 27-авг. — Sputnik. Лионель Мессинин командадан кетерине нааразы болгон каталондук "Барселона" клубунун фанаттары "Ноу Камп" стадионунун дарбазасын бузуп кирди. Бул тууралуу The Sun маалымат булагы жазып чыкты.
Чогулган күйөрмандар клубдун жетекчилигинин аракеттерине нааразылыгын билдиришүүдө. Алар 33 жаштагы Мессинин командада калуусун, мындан сырткары, клубдун учурдагы президенти Жозеп Бартомеунун кызматынан кетүүсүн талап кылышууда.
ПСЖдан келген футболчу франциялыктарга гол киргизип, "Баварияны" чемпион кылды. Видео
Видеодо фанаттардын айрымдары колдоруна "Месси, үйдө кал!" деп жазылган транспаранттарды кармап алышса, дагы бир тобу бир ооздон "Бартомеу кетсин!" деп кыйкырып жатышканын көрүүгө болот.
Фанаты Барсы пробились на Территорию стадиона. На поддержку команды это не похоже - просто под шумок и прикрываясь «битвой за клуб» будут все крушить и ломать. pic.twitter.com/TsI1BZXpK1
— Никита Ковальчук (@Nik_Football_) August 26, 2020
Нааразычылык акция шейшембиден бери, Месси командадан кетерин клубдун жетекчилигине кулак кагыш кылгандан тарта башталган. Кечээ "Барселона" Лионель Месси клубдан кетүүгө камынып жатканын ырастаганы айтылган.
Кийинчерээк дүйнөнүн эң мыкты футболчусунун англиялык "Манчестер Сити" клубуна өтүү ниети бар экени маалым болду.
"Messi stay, we love you." 🔊
— ESPN FC (@ESPNFC) August 25, 2020
Barcelona fans are holding out hope.
(via @DavidIbanez5) pic.twitter.com/O1W3nSrUYZ
Аргентиналык чабуулчу Чемпиондор лигасынын чейрек финалында командасы "Баварияга" 2:8 эсебинде утулгандан кийин клубдан кете турганын кыйыткан.
"Дордой" кезектеги жеңишти камсыздап, чемпиондук жарышта алдыга озду
Месси "Барселона" клубунда 16 жылдан бери ойноп, команданын тарыхында рекорддук 634 гол киргизген. Клуб менен ал 10 ирет өлкө чемпиондугун, алты жолу Испания кубогун, төрт жолу Чемпиондор лигасын уткан.
Эгерде клубдун президенти Жозеп Бартомеу кызматынан кетсе, Месси "Барселонада" калары айтылат.
