Бириккен күрөш уюмунун сүрөтчүлөрү балбандын финалдагы ирмеми менен бөлүштү. Анда Жолдошбеков тажикстандык Мухамад Икромовдун далысын жерге тийгизип (бул күрөштө утулду деп эсептелинет) жеңип алган.
21 Бирдин айы 2020, 20:37
Белгилей кетсек, Жолдошбеков кыргыздын күрөш мектебинен тарбияланып, Азия чемпиону болгон алгачкы спортчу болду.
Улукбек эркин күрөштү аркалаган балбандын сап башы болуп келет. Ал былтыр 23 жашка чейинкилер арасында Азия жана дүйнө чемпионатын багындырган. Ошондой эле бир катар эл аралык турнирлердин жеңүүчүсү.
Күрөштүн түрлөрү боюнча Азия биринчилиги 18-23-февраль күндөрү Нью-Дели шаарында өттү. Мелдеште Кыргызстандын улуттук курама командасы 11 медаль багындырды. Анын экөө алтын, үчөө күмүш жана алтоо коло.
