16:47 13 Баш оона 2020
Түз эфир
  • USD78.0000
  • EUR92.3520
  • RUB1.0597
Спорт
Кыскача шилтеме алуу
2020-жылы Токиодо өтө турган Олимпиада оюндары (39)
260 0 0

Олимпиада оюндарында Кыргызстан спорттун 13 түрү боюнча 21 лицензия алууну пландап жатат. Учурда кыргыз спортчуларында беш жолдомо бар.

БИШКЕК, 6-дек. — Sputnik. 2020-жылы Японияда өтө турчу Олимпиада оюндарында байгелүү орун алган кыргызстандык спортчулар 5 миллион сомдон 10 миллион сомго чейин алышы ыктымал. Бул тууралуу өкмөттүн маалымат кызматы билдирди.

Вице-премьер Алтынай Өмүрбекова 2020-жылы Токио шаарында өтө турчу Олимпиада жана Паралимпиада оюндарына кыргыз спортчуларынын даярдануу маселелери боюнча кеңешме өткөрдү. Анда байгелүү орун алган спортчуларга бериле турчу каражат маселеси талкууланды.

Белгилүү оор атлетчи Каныбек Осмоналиев. Архивдик сүрөт
© Фото / Пресс-служба посольства КР в РФ
Жаштар иши, дене тарбия жана спорт боюнча мамлекеттик агенттигинин директорунун орун басары Канат Арпачиев Кыргызстан спорттун 13 түрү боюнча 21 лицензия алууну пландап жатканын айтты. Негизинен кыргыз спортчулары эркин, грек-рим жана аялдар күрөшү, дзюдо, жеңил атлетика, бокс, оор атлетика, беш түрлүү көнүгүүлөрдөн турган спорттук мелдеш, сууда сүзүү, ок атуу, фехтование, жаа атуу жана триатлон боюнча күч сынашат.

Арпачиев Кыргызстандын капчыгында Айсулуу Тыныбекова (спорттук күрөш), Денис Петрашов (сууда сүзүү), Юлия Андреева (жеңил атлетика), Атабек Азизбеков (грек-рим күрөшү) жана Дарья Маслова (жеңил атлетика) уткан беш жолдомо бар экенин айтты.

Ал алдыда кыргыз спортчуларынын бир катар эл аралык турнирлерге катышуусу күтүлүп жатканын белгилеп, ошол спорттук иш-чаралардан жолдомо утуп алууга ишенип жатканын кошумчалады.

XXXII жайкы Олимпиада оюндары Токиодо 2020-жылдын 24-июлунан тарта 9-августка чейин өтөт.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
Тема:
2020-жылы Токиодо өтө турган Олимпиада оюндары (39)

Тема боюнча

Жөө күлүк Дарья Маслова Токио Олимпиадасына лицензия алды
Токио Олимпиадасына барчу спортчулар үчүн 65 млн. сом бөлүнөт
Белгилер:
сыйлык, Олимпиадалык оюндар, өкмөт

ЭҢ МААНИЛҮҮ