БИШКЕК, 20-сен. — Sputnik. Абсолюттук мушкерлер уюмунун (UFC) президенти Дана Уайт Twitter-аккаунтунда Конор Макгрегор октагонго качан кайтышы мүмкүндүгүн билдирди.
Ушул жумада ирландиялык спортчу Макгрегор Twitter баракчасына беттешке чыгуу ыктымалдыгына белги берип, "Дублин, 14-декабрь" деп жазган.
Dublin, December 14th.
— Conor McGregor (@TheNotoriousMMA) 16 сентября 2019 г.
Уайттын айтымында, уюмдун эки салмак боюнча мурдагы чемпиону 14-декабрда Дублин шаарында беттеш өткөргүсү келип жатат.
"Сиздер Twitter аккаунтуна анын жазганын көрсөңүздөр керек. Ошол шаарда жана убакытта октагонго чыгуу каалоосу бар. Бирок ал күнү бизде Лас-Вегаста турнир пландалган. Эгер бул кечеде болбосо, кийинки жылдын башында спортко кайтса керек", — деген видеокайрылууда Уайт.
Q: #AskDana when's @TheNotoriousMMA gonna fight?
— Dana White (@danawhite) 19 сентября 2019 г.
- @TheOtherCanelo
A: pic.twitter.com/ugmcFnbBWT
Ирландиялык мушкер 2018-жылы 6-октябрда россиялык мушкер Хабиб Нурмагомедовго утулгандан бери октагонго чыга элек. Анда россиялык мушкер чемпиондук наамын биринчи жолу коргоп, каршылашын муунтуу ыкмасы менен уткан.
