11:46 18 Жетинин айы 2019
Түз эфир
  • USD69.8500
  • EUR76.9922
  • RUB1.0933
Кыргызстандык белгилүү балбан Акжол Махмудов. Архив

Акжол Махмудов килемге качан кайтат? Машыктыруучунун жообу

© Фото / World Wrestling
Спорт
Кыскача шилтеме алуу
575 0 0

Машыктыруучу балбандын абалы жана пландары тууралуу айтып берди.

БИШКЕК, 22-авг. — Sputnik. Кыргызстандык белгилүү балбан Акжол Махмудов ден соолугун чыңдоо үчүн кайрадан Германияга учуп кетти. Бул туурасында Sputnik Кыргызстан маалымат агенттигине спортчунун машыктыруучусу Мейрамбек Ахмедов билдирди.

Эске сала кетсек, ушул жылдын март айынын башында Махмудов футбол учурунда бутунан жаракат алып, Германиянын Кёльн шаарына барып операция жасаткан. Ал жакта эки айга чукул ден соолугун калыбына келтирген.

Машыктыруучу спортчу чет өлкөгө бир жумага кеткенин айтты.

"Ден соолугу жакшы, кооптоно турчу эч нерсе жок. Бир сыйра медициналык кароодон, текшерүүлөрдөн өтүп келет. Бул дарылануусунун соңку этабы десек туура", — деди Ахмедов.

Белгилей кетсек, Акжол Махмудов былтыр жаштар арасындагы дүйнө чемпионатында коло байге уткандан бери мелдештерге катыша элек. Машыктыруучусу ал килемге качан кайтып келиши мүмкүн экендигин дагы кеп кылды.

"Акжол ушул жылдын ноябрында Европадагы эл аралык турнирде күчүн сынайт. Бирок сентябрда Нур-Султан шаарындө өтө турчу дүйнө чемпионатына бара албайт. Себеби ден соолугу толук калыбына келе элек жана даярданууга убактыбыз жетпейт. Аталган мелдеш Токио Олимпиадасына лицензия бере турчу кармаштардын бири экендиги маалым. Анткен менен кийинки жылы мартта Кытайда дагы лицензиялык турнир болот. Ал жакка сөзсүз катышабыз. Салмак категориясы 77 килограммдан өзгөрбөйт", — деди Ахмедов.

Акжол Махмудов — өлкөнүн көзгө басар балбандарынын бири. 20 жаштагы спортчу чоңдор арасында Азия чемпиону жана Азия оюндарынын күмүш медаль ээси. Жаштар арасында дүйнө чемпиону. Бириккен күрөш уюму (UWW) 2018-жылы мыкты деп Махмудовдун ыкмаларын атаган.

Тема боюнча

Акжол Махмудов былтыр жеңилип калган АКШ балбанын утуп койду. Кармаштын видеосу
Белгилер:
лицензия, ден соолук, балбан, Акжол Махмудов, Нур-Султан, Германия

ЭҢ МААНИЛҮҮ