БИШКЕК, 4-май — Sputnik. Азия чемпиону Акжол Махмудов Германияда жасалган операциядан кийин Кыргызстанга кайтып келгендигин Instagram баракчасы аркылуу кабарлады.
Посмотреть эту публикацию в Instagram
Эске сала кетсек, ушул жылдын март айынын башында Махмудов футбол учурунда бутунан жаракат алып, операция жасатуу үчүн Германиянын Кёльн шаарына барган. Ал жакта операция ийгиликтүү жасалган. Көп өтпөй ден соолугун калыбына келтирип жатканын, ал тургай балдакты таштап машыгууга киришкенин кабарлаган.
"Үйдө болгон жакшы, жанымда жүргөн адамдар дем-күч берет. Алгач балдакты таштагам, эми жабдыктардан баш тартып жатам. Баарыңарга рахмат", — деп жазган Махмудов.
Акжол Махмудов — өлкөнүн көзгө басар балбандарынын бири. 20 жаштагы спортчу чоңдор арасында Азия чемпиону жана Азия оюндарынын күмүш медаль ээси. Жаштар арасында дүйнө чемпиону. Бириккен күрөш уюму (UWW) 2018-жылдын мыкты кармашы деп Махмудовдун ыкмаларын атаган.
