БИШКЕК, 18-май — Sputnik. Кыргызстандын футбол боюнча улуттук курама командасы Бишкек шаарында палестиналык футболчулар менен жолдоштук беттеш өткөрөт. Бул туурасында КРдин Футбол федерациясынан кабарлашты.
Мелдеш 11-июнда борбордогу Дөлөн Өмүрзаков атындагы стадиондо саат 20:00дө башталат.
Футбол федерациясы спортчуларды колдоп кетүүгө чакырат. Ошондой эле спорттук уюм Азия кубогунда колдогон ар бир күйөрманга ыраазычылык билдирип, мындан ары дагы мыкты оюндарды көргөзүүгө ниет кылат.
Билеттерди 1-июндан тарта кассадан жана сатуучулардан алууга болот. Бул өлкөнүн Азия кубогунан кийинки алгачкы беттеши.
