БИШКЕК, 1-дек. — Sputnik. Кыргызстандык Антонина Шевченко UFC уюмундагы алгачкы беттешинде түштүк кореялык мушкер Жи Йон Кимди калыстардын чечими менен утуп алды. Бул туурасында уюмдун расмий Twitter баракчасында жарыяланган.
Octagon debut win ✅@AntoninaPantera #TUFFinale pic.twitter.com/se4Th5vPI8
— UFC (@ufc) 1 декабря 2018 г.
Мушкерлердин жеңил салмак категориясындагы (57 кг.) кармашы TUF 28 Finale турниринин алкагында Лас-Вегас шаарында өттү.
Анда Шевченко менен Ким үч раунд бою кармашып, натыйжада калыстардын чечими менен жеңиш ага ыйгарылганы айтылат.
Kim eats a body kick, but lands a nice right against Shevchenko #TUFFinale pic.twitter.com/rknVqfwk0J
— UFC (@ufc) 1 декабря 2018 г.
Шевченко ушуну менен UFC уюмунда тушоосун кести. Буга чейин аталган уюмдун "Дана Уайттын талапкерлери" аталышындагы тандоо турниринде америкалык Жаймелин Ньеверону утуп алган болчу.
Белгилей кетсек, Антонина UFC уюмунун эң жеңил салмактагы жылдызы Валентина Шевченконун бир тууган сиңдиси.
