БИШКЕК, 13-май — Sputnik. Эки чемпиондун АКШнын Даллас шаарында өткөн "көз караштар дуэли" аз жерден мушташ менен аяктап калары жаздады. Шевченко менен Нуньестин сүрөткө түшүү маалында бири-бирине сес көрсөтүүсүнүн видеосу UFC өзүнүн Twitter тармагындагы баракчасына жарыялады.
So what's the story behind this scuffle? @Amanda_Leoa and @BulletValentina tell their side of what went down to @anezbitt. pic.twitter.com/BIETaU2mf3
— FOX Sports: UFC (@UFCONFOX) 13 мая 2017 г.
Буга чейин UFC 213 мелдешинде негизги таймаш болуп эсептелген Шевченко менен Нуньестин беттешүүсү 8-июль күнү АКШнын Лас-Вегас шаарында өтөрү белгилүү болгон.
Кыргызстандык спортчу өзүнүн Instagram баракчасына боло турган таймаш тууралуу жазып, атаандашынын дарегине дагы билдирүү калтырды.
"Аманда Нуньес, ал соккуңа мен он эселеп жооп берем. Акыркы күндөрүңдү жашап ал" — деп жазды Шевченко.
Ал мелдештен кийин Нуньес Миша Тейт жана Ронда Роузи аттуу спортчулар менен рингге чыгып, экөөнү тең беш мүнөткө жеткирбей утуп алган.
Валентина Шевченко дагы эки мелдеш өткөрүп, биринде жеңилүүгө дуушар болгон. Алгач экс-чемпион Холли Холмду упай мене жеңип, кийин Жулианна Пеньядан утулуп калган.
