БИШКЕК, 14 –сен. — Sputnik. Чолпон-Ата шаарында эл аралык Ысык-Көл оюндары старт алды. Бул тууралуу Жаштар иши, дене тарбия жана спорт министрлигинин маалымат кызматы билдирди.
Иш-чаранын ачылыш аземинде катышуучу өлкөлөрдүн өкүлдөрү тааныштырылды.
Ысык-Көлдө өтө турган оюнга Венгрия, Германия, Казакстан, Латвия, Россия Федерациясы, Түркмөнстан, Бангладеш, Мальдив аралдары жана Кыргызстандын спортчулары катышат. Салтанат кыргыз эстрада ырчыларынын концерти менен коштолду.
Учурда волейбол, жеңил атлетика, футбол, стол үстүндөгү теннис жана чабак уруу боюнча турнирлер башталды.
Оюндун программасына арм-рестлинг, стритбол, волейбол, оордук көтөрүү, дартс, жеңил атлетика, мини-футбол, кум жээгиндеги футбол, стол тенниси, кум жээктеги күрөш, кум жээгиндеги самбо, бука тартыш, чабак уруу, кум жээгиндеги волейбол, аркан тартыш жана массалык жеңил атлетикалык жарыш кирет.
Ысык-Көлдөгү оюн 2016-жылдын 20-сентябрында аяктайт.
