19:17 19 Баш оона 2017
Түз эфир
Кыргызстандын футбол боюнча өспүрүмдөр командасы (U-16). Архив

КРдин футбол боюнча өспүрүмдөр командасы татаал тайпага туш болду

© Фото / пресс-служба ФФКР
Спорт
Кыскача шилтеме алуу
6910

Азиянын эң күчтүү делген 16 командасы Азия биринчилиги үчүн күзүндө Индия өлкөсүндө беттешет.

БИШКЕК, 26-май — Sputnik. Кыргызстандын футбол боюнча өспүрүмдөр командасы (U-16) Азия чемпионатынын финалдык бөлүгүндө ойной турган атаандаштарын билишти. Бул тууралуу Футбол федерациясы кабарлады.

Чучу кулак кармоо бейшемби күнү өттү. Кыргызстандын командасы Азиянын эң күчтүү командалары — Япония менен Австралиянын футболчулары кирген "В" тайпасына туш болду. Бул топко Вьетнамдын командасы да кирген. 16 команда төрт тайпага бөлүндү. 

Кыргызстан чү дегенде эле австралиялыктар менен беттешет. Тайпалык этаптын жыйынтыгы менен ар бир топтон экиден команда чейрек финалга чыгат. Бул чемпионатта мыкты аталган командалар ушул эле Индияда 2017-жылы өтө турган Дүйнө чемпионатына жолдомо алышат. 

Чучу кулактын жыйынтыгы:

  • "А" тайпасы: Индия, Иран, Сауд Аравиясы, БАЭ;
  • "В" тайпасы: Австралия, Япония, Вьетнам, Кыргызстан;
  • "С" тайпасы: Корея, Малайзия, Оман, Ирак;
  • "D" тайпасы: Түндүк Корея, Өзбекстан, Таиланд, Йемен.

Азия чемпионаты 15-сентябрдан 2-октябрга чейин уланат.

Тема боюнча

КРдин футболчулары Азиянын мыкты командасы менен күч сынашат
"Футбол сулуусу-2016" сынагынын финалына үч кыз чыкты
Белгилер:
тайпа, Футбол, Индия

ЭҢ МААНИЛҮҮ