20:14 22 Тогуздун айы 2021
Түз эфир
  • USD84.7875
  • EUR98.7011
  • RUB1.1965
Коом
Кыскача шилтеме алуу
273 0 0

Мамакеев эмдөөдөн жазында эле өткөн. Министрлик учурда ал өзүн жакшы сезип жатканын айтып, вакцина алууга чакырган видеосун жаңы чыгарды.

БИШКЕК, 16-сен. — Sputnik. Дүйнө жүзүндөгү эң кары хирург Мамбет Мамакеев коронавируска каршы вакцина алууга үндөдү.

Белгилей кетсек, Мамакеев апрель айында Кыргызстанда россиялык "Спутник V" вакцинасы менен эмдөө башталганда алгачкылардан болуп алган.

Министрлик учурда ал өзүн жакшы сезип жатканын айтып, вакцина алган жана элди эмдөөдөн өтүүгө чакырган видеосун жаңы чыгарды.

"Бүгүн өзүңөр көргөндөй Россиянын вакцинасын алдым. "Спутник V" оорудан 94-96 пайыз эффективдүү коргойт деп айтып жатышат. Демек, бул табылган нерсе. Тагыраагы, муну алган киши оорубайт дейт. Кээси ооруп калса да жеңил өтөт деп айтып жатат. Эми аны турмуш көрсөтөт. Кытайдын вакцинасы (Sinopharm) да жаман эмес. Булар дүйнөдө элдик медицина боюнча биринчи орунда турат", — деген Мамакеев.

Бүгүн, 9-сентябрда, Кыргызстанга Түркиядан 150 миң доза Sinovac вакцинасы алып келинди
© Фото / пресс-служба Министерства здравоохранения и социального развития КР
Ошондой эле кадрдан ал дарыгердин ийнени бат эле сайып койгонуна таң калганын көрүүгө болот.

"Улукман аке катары жалпы кыргыз элине айтарым, акылдуу кишилер муну жылдап изилдеп чыгарып жатат, бир топ этаптан өткөрөт. Ошондуктан коркпой-этпей эмдөөдөн өтүү керек", — деди белгилүү хирург.

Учурда 94 жаштагы Мамбет Мамакеев бейтаптарды кабыл алып операция жасап келет. Ал дүйнөдөгү эң кары жана карьерасын улантып келе жаткан хирург катары Гиннестин рекорддор китебине кирген.

Тема боюнча

Өткөн суткада 12 миңден ашык адам коронавируска каршы эмделди
Баткенде COVID-19га каршы эмдөөгө чакырган 10 күндүк акция башталды. Сүрөт
Белгилер:
Мамбет Мамакеев, хирург, коронавирус, вакцина

ЭҢ МААНИЛҮҮ