00:38 17 Аяк оона 2021
Түз эфир
  • USD84.7960
  • EUR99.8176
  • RUB1.1707
Коом
Кыскача шилтеме алуу
157 0 0

Мамлекет башчысы аскер кызматкерлерине энчилүү саат тапшырган, алардын айрымдарына президенттин атынан Ыраазычылык кат берилди.

БИШКЕК, 14-сен. — Sputnik. Президент Садыр Жапаров бүгүн VII эл аралык армия оюндарынын (АрМИ-2021) алкагында өткөн "Танк биатлону" менен "Десанттык взвод" мелдештеринин жеңүүчүлөрүнө сыйлыктарды тапшырды. Бул туурасында мамлекет башчынын маалымат кызматынан кабарлашты.

  • Президент Кыргызстана Садыр Жапаров вручил награды военнослужащим — победителям соревнований Танковый биатлон и Десантный взвод, проведенных в рамках VII Армейских международных игр (АрМИ-2021)
    Президент Садыр Жапаров бүгүн VII эл аралык армия оюндарынын (АрМИ-2021) алкагында өткөн "Танк биатлону" менен "Десанттык взвод" мелдештеринин жеңүүчүлөрүнө сыйлыктарды тапшырды
    © Пресс-служба президента КР / Султан Досалиев
  • Президент Кыргызстана Садыр Жапаров во время вручения награды военнослужащим — победителям соревнований Танковый биатлон и Десантный взвод, проведенных в рамках VII Армейских международных игр (АрМИ-2021)
    Президент аскерлердин жеңишин жогору баалап, алар Кыргызстандын эгемендүүлүгүнүн 30 жылдыгына белек кылышканын белгилеген
    © Пресс-служба президента КР / Султан Досалиев
  • Президент Кыргызстана Садыр Жапаров вручил награды военнослужащим — победителям соревнований Танковый биатлон и Десантный взвод, проведенных в рамках VII Армейских международных игр (АрМИ-2021)
    Мамлекет башчысы аскер кызматкерлерине энчилүү саат тапшырган, айрымдарына президенттин атынан Ыраазычылык кат берилди
    © Пресс-служба президента КР / Султан Досалиев
  • Президент Кыргызстана Садыр Жапаров вручил награды военнослужащим — победителям соревнований Танковый биатлон и Десантный взвод, проведенных в рамках VII Армейских международных игр (АрМИ-2021)
    Мындан сырткары, "Танк биатлону" менен "Десанттык взвод" сынактарынын катышуучуларына акчалай сыйлык катары президенттин резервдик фондунан 1 миллион 880 миң сом бөлүнгөн.
    © Пресс-служба президента КР / Султан Досалиев
1 / 4
© Пресс-служба президента КР / Султан Досалиев
Президент Садыр Жапаров бүгүн VII эл аралык армия оюндарынын (АрМИ-2021) алкагында өткөн "Танк биатлону" менен "Десанттык взвод" мелдештеринин жеңүүчүлөрүнө сыйлыктарды тапшырды

Президент аскерлердин жеңишин жогору баалап, алар Кыргызстандын эгемендүүлүгүнүн 30 жылдыгына белек кылышканын белгилеген.

"АрМИ эл аралык аскер оюндары" акыркы жети жылдан бери көптөгөн мамлекеттердин арасында өткөрүлүп келе жатат.

"АрМИ оюндары өзүнүн маңызы, спорттук негизи боюнча аскер кызматчыларынын эл аралык олимпиадасы катары калыптанып калды. Мына ушул эл аралык аскер оюндарынын алкагында кыргыз армиясы негизги деп саналган ары татаал, ары салмактуу эки мелдешке – "Танк биатлону" менен "Десанттык взвод" сынактарына катышып, өз дивизиондорунда биринчи орунду багындырды. Биздин танкачыларыбыз сегиз мамлекеттин командалары менен мелдешсе, курсант-десантчыларыбыз 12 өлкөнүн командасы менен таймашты. Натыйжада жалпы дүйнө жүзү Кыргызстандын бийик көтөрүлгөн байрагын жана эң жогорку ардак тактадан улуу Манастын татыктуу урпактарын көрүштү", — деген Жапаров.

Жапаров танкачылар 31-августта – Эгемендүүлүк күнүндө жеңишке жетишкенин, ал эми эң мыкты даярдыгын десантчылар — өлкөнүн Куралдуу күчтөрүнүн келечектеги офицерлери көрсөткөнүн айткан.

Ал танкачылар менен десантчыларга өлкөгө атак-даңк алып келген жеңиши үчүн терең ыраазычылык билдирип, бул командалардын күжүрмөн даярдыгын камсыз кылган бардык аскер кызматкерлерин өзгөчө белгилеген.

Мамлекет башчысы аскер кызматкерлерине энчилүү саат тапшырган, айрымдарына президенттин атынан Ыраазычылык кат берилди. Мындан сырткары, "Танк биатлону" менен "Десанттык взвод" сынактарынын катышуучуларына акчалай сыйлык катары президенттин резервдик фондунан 1 миллион 880 миң сом бөлүнгөн.

Сөзүнүн соңунда Жапаров бардыгына бекем ден соолук, үй-бүлөлүк бакыт жана Мекенди коргоого арналган жооптуу кызматтарына ийгилик каалаган.

Белгилей кетсек, "VII эл аралык армия оюндары-2021" 22-августтан тартып 4-сентябрга чейин 11 мамлекеттин аймагында өткөрүлдү. Алар: Алжир, Армения, Беларусь, Вьетнам, Иран, Катар, Казакстан, Кытай, Россия, Сербия жана Өзбекстан. Мелдештер бир учурда 23 аскер машыгуу талаасында жана Каспий, Япон деңиздеринин сууларында өттү. Ага 42 өлкөдөн 277 команда курамында 5 миңден ашуун аскер катышкан.

Кыргызстандын курамасы "Танк биатлону" менен "Десанттык взвод" сынагынын экинчи дивизионунун жеңүүчүсү катары кийинки жылы биринчи дивизион курамында катышуу укугун алган.

Тема боюнча

Көздөн жаш атып, кыйкыра чуркап. Кыргызстандык танкачылардын чемпион болгон видеосу
Белгилер:
Кыргызстан, Садыр Жапаров, танк биатлону, жеңиш, куттуктоо

ЭҢ МААНИЛҮҮ