БИШКЕК, 19-авг. — Sputnik. Шаардыктардын ыңгайлуулугу үчүн Бишкек Чыгыш автобекети — жугуштуу илдеттер ооруканасы багыты боюнча автобустук каттам иштей баштады. Бул тууралуу Бишкек мэриясынын маалымат кызматы кабарлады.
Билдирмеге караганда, Бишкек транспорт башкармалыгы шаардыктардын өтүнүчү менен №2 автобусттук маршрутун ишке киргизди. Ал чыгыш автобекетинен Республикалык жугуштуу илдеттер ооруканасына чейин түз барат. Мындан сырткары, "Учкун", "Тунгуч" кичи райондорунан да өтөт.
Запуск автобусного маршрута "Восточный автовокзал — инфекционная больница"
"Жугуштуу илдеттер ооруканасында коронавирус жуктуруп дарыланып жаткандардын жакындарына жеңил болуш үчүн №2 автобустук маршрут каттай баштады", — деп айтылат маалыматта.
Аталган каттамда бүгүн, 19-августтан тарта, 12 автобус иштей баштаганы кошумчаланды.
