12:40 23 Аяк оона 2021
Түз эфир
  • USD84.8000
  • EUR99.5001
  • RUB1.1635
Коом
Кыскача шилтеме алуу
189 0 0

Азыркы тапта борбор шаардын 29 көчөсүндө оңдоо иштери жүрүп жатат. Жакынкы күндөрү дагы сегизинде ремонт башталмакчы.

БИШКЕК, 16-июл. — Sputnik. Бишкекте эки көчө тротуарлары менен кошо оңдолуп бүтүп пайдаланууга берилди. Бул тууралуу мэриянын маалымат кызматы кабарлады.

Койбагаров көчөсүнүн Жукеев-Пудовкин көчөсүнөн тарта Каралаевге чейинки бөлүгү толук реконструкцияланды. Мизилдеген жолдун узундугу 1,22 чакырымды түзөт.

  • В Бишкеке открыты две улицы после ремонта дороги и тротуаров
    Бишкекте эки көчө тротуарлары менен кошо оңдолуп бүтүп пайдаланууга берилди.
    © пресс-служба мэрии города Бишкек
  • В Бишкеке открыты две улицы после ремонта дороги и тротуаров
    Койбагаров көчөсүнүн Жукеев-Пудовкин көчөсүнөн тарта Каралаевге чейинки бөлүгү толук реконструкцияланды.
    © пресс-служба мэрии города Бишкек
1 / 2
© пресс-служба мэрии города Бишкек
Бишкекте эки көчө тротуарлары менен кошо оңдолуп бүтүп пайдаланууга берилди.

Тротуарлары жаңыланып, жолдун туурасы тогуз метрге чейин кеңейтилди. Турак үйлөргө жакын жерлер асфальттанган. Жалпысынан 1 025 чарчы метр аянтка 12 сантиметр калыңдыкта асфальт жаткырылды.

Фере көчөсүнүн Тоголок Молдо – Элебесов көчөлөрүнүн ортосундагы 1,2 чакырымдык бөлүгү ремонттолуп, тротуарлары жасалды. Жолдун туурасы оңдоодон кийин тогуз метр болду. Мында жалпы 9 600 чарчы метр аянт 12 сантиметрлик калыңдыкта асфальттанды.

Мэрия бул көчөдө өсүп турган 200 дарактын бири да кыйылбаганын айтты.

Оңдоодон өткөн эки көчөдө ирригациялык системалар да орнотулган.

"Биз жети көчөдөгү оңдоо-куруу иштерин бүткөрдүк. Дагы 29 көчөдө ремонт иштери улантылып жатат. Жакынкы күндөрү дагы сегизинде ремонт башталат", — деп айтылат билдирүүдө.

Көчөлөр "Бишкектин көчө-жол тармактарын өнүктүрүү" долбоорунун алкагында оңдолуп жатат.

Тема боюнча

Бишкектин беш көчөсү оңдолуп, автоунаалар үчүн ачылды
Белгилер:
Бишкек, жол оңдоо, мэрия, тротуар

ЭҢ МААНИЛҮҮ