06:33 17 Бугу 2021
Түз эфир
  • USD84.6213
  • EUR102.6076
  • RUB1.1436
Коом
Кыскача шилтеме алуу
30420

Буга чейин клиникаларды Нарын облусуна жайгаштыруу пландалганы айтылган. Мындан сырткары, беш жыл аралыгында анын бардык чыгымын Ислам өнүктүрүү банкы төлөмөкчү.

БИШКЕК, 5-май — Sputnik. Кыргызстанга беш трейлерден турган мобилдик клиника алып келинди. Бул тууралуу өкмөттүн маалымат кызматы билдирди.

Церемония передачи мобильной медицинской клиники для улучшения доступа к медицинским услугам жителей отдаленных районов КР. 05 мая 2021 года
© Пресс-служба президента КР / Султан Досалиев
Кыргызстанга беш трейлерден турган мобилдик клиника алып келинди

Саламаттык сактоо министрлигинин маалыматына караганда, беш трейлер жана персоналдар үчүн өзүнчө үч техникалык машина жеткирилген. Клиника норвегиялык компаниянын буйрутмасы менен Түркияда чогултулуп, Ислам өнүктүрүү банкы тарабынан каржыланган.

Мобилдик клиника Ford маркасындагы оор жүк ташуучу унааларга чиркелген. Клиниканын базасында компьютердик томография, УЗИ аппараты, маммограф, рентген аппараты, гастроскоп, колоноскоп, офтальмоскоп, риноскоп, эхокардиограф сыяктуу медициналык жабдууларды камтыган диагностика бөлүмү, биохимиялык жана башка анализдер үчүн лабораториялык жабдуулар, ошондой эле операциялык бөлүмү бар.

Трейлерлер менен кошо уктоочу бөлмө, ашкана каралган үч автоунаа менен бейтаптарды ташуучу кичи автобус жана тез жардам унаасы алынды. Алар Кыргызстанга Ислам өнүктүрүү банкы (ИӨБ) менен макулдашуунун алкагында берилүүдө. Буга чейин аталган клиникаларды Нарын облусуна жайгаштыруу пландалганы айтылган.

Мындан сырткары, макулдашууга ылайык, беш жыл аралыгында мобилдик клиниканын иши, айлык акы, медицина кызматкерлеринин тамак-ашы, дары-дармек менен камсыздоо жана башка чыгымдар Ислам өнүктүрүү банкы тарабынан каржыланат.

Тема боюнча

Бишкек: дагы эки мектеп карантинге жабылып, балдар үйдөн окумай болду
Белгилер:
мобилдик клиника, жардам, жабдуу, Кыргызстан, Түркия

ЭҢ МААНИЛҮҮ