12:54 11 Бугу 2021
Түз эфир
  • USD84.7112
  • EUR103.0978
  • RUB1.1491
Коом

Жаңы Конституциянын долбоорун канча киши колдоду. АСУ эсеби

Кыскача шилтеме алуу
Жаңы Конституциянын долбоору жана референдум (190)
792 0 0

Жаңы Баш мыйзамдын долбоору боюнча добуш берүүнүн алдын ала жыйынтыгын Sputnik Кыргызстандын материалынан окуңуз.

Жаңы Конституциянын долбоору боюнча референдумдун электрондук урнанын жардамы менен эсептелген алдын ала жыйынтыгын Шайлоо жана референдумдарды өткөрүү боюнча борбордук комиссия жарыялайт. Добуш берүүлөрдүн инфографикада көрсөтүлгөн жыйынтыгы акыркы көрсөткүч эмес.

Референдум жергиликтүү кеңештин депутаттарын шайлоо менен кошо өттү. Жаңы Баш мыйзамдын долбооруна 3,6 миллиондон ашык кыргызстандык "макул" же "каршы" деп добуш берүү укугуна ээ болду. Референдумду өткөрүүгө 55,6 миллион сом бөлүнгөн.

Эскерте кетсек, Конституцияны өзгөртүү боюнча маселе жарым жыл мурда, өлкөдө бийлик алмашкандан кийин айтыла баштаган. Сунушталган мыйзам долбоору өткөн жылдын ноябрында парламенттин сайтына жарыяланды. Документ коомчулукта кызуу талкууга түшүп, өлкөдө Конституциялык кеңешме түзүлгөн.

Ушул жылдын февраль айында Жогорку Кеңеш Конституциялык кеңешменин мүчөлөрүнүн пикирин эске алуу менен документти жарыялаган. Көп өтпөй парламент референдумдун күнүн бекиткен.

Конституциянын сунушталып жаткан долбоорунда президенттин ыйгарым укуктары кеңейтилген. Мамлекет башчысы аткаруу бийлигин жетектейт, эки мөөнөткө шайлануу мүмкүнчүлүгүнө ээ. Мындан сырткары, мыйзамдарды демилгелей алат жана башка ыйгарым укуктары болот. Жогорку Кеңештин ыйгарым укуктары, депутаттардын саны кыскарат. Сунушталган долбоордо эл өкүлдөрү азыркыдан 30га аз болот.

Долбоор кабыл алынып калса өкмөттө министрлер кабинетин кайрадан түзүү боюнча олуттуу өзгөрүүлөр күтүлөт. Министрлер кабинетине президенттик администрациянын башчысы төрагалык кылат. Салыштыруу үчүн айтсак, учурда өкмөттү көптөгөн ыйгарым укукка ээ болгон премьер-министр жетектейт.

Мында сунуш кылынган өзгөрүүлөрдүн айрым гана бөлүктөрү айтылды. Баш мыйзамдын жаңы долбоорунун учурдагыдан айырмалары тууралуу төмөнкү материалдан окуңуз. 

Тема:
Жаңы Конституциянын долбоору жана референдум (190)

Тема боюнча

Бишкекте участкадан тышкаркы алты тилкеде добуш берүүнүн жыйынтыгы жокко чыкты
БШК: шайлоо участкаларында 11 миң милиция кызматкери иштеп жатат
БШК канча шайлоочу мөөнөтүнөн мурда добуш бергенин айтты
Белгилер:
добуш берүү, референдум, өзгөртүүлөр, конституция

Дагы инфографика

ЭҢ МААНИЛҮҮ