04:52 20 Чын Куран 2021
Түз эфир
  • USD84.7933
  • EUR101.9682
  • RUB1.1121
Коом
Кыскача шилтеме алуу
0 0

Кечээ премьер-министр Улукбек Марипов парламентте өкмөттүн курамы каралып жатканда каналдын башы өтүп кеткенин айткан.

БИШКЕК, 4-фев. — Sputnik. Жогорку Кеңештин депутаты Тазабек Икрамов Баткен облусундагы Төрткүл суу сактагычындагы каналдын Тажикстанга өтүп кетиши боюнча маселени тез арада кароого чакырды.

Белгилей кетсек, кечээ премьер-министр Улукбек Марипов парламентте өкмөттүн курамы каралып жатканда каналдын башы өтүп кеткенин айткан.

"Төрткүл суу сактагычына келген каналдын башын дагы, тилекке каршы, алдырыптырбыз. Мен бул боюнча дагы тактадым. Бул жерде стратегиялык маселелер бар", — деп айтан Марипов.

Эл өкүлү бул жагдай боюнча тиешелүү комитеттерге тапшырма берип, Тышкы иштер министрлигинин расмий маалыматын угууну сунуштады.

Баткен облустук үй-бүлөлүк дарыгерлер борборуна тогуз тез жардам унаасы берилди
© Фото / пресс-служба полпредства правительства в Баткенской области
"Кечээ премьер-министр Улукбек Асамидинович Баткен облусундагы Төрткүл суу сактагычы тууралуу кызык жагдайды айтып алды. Эгер анын сөзүнө ишене турган болсок иш чатак жагына айланат. Маселе оор жагдайда карала турган болсо, анда тез арада депутаттык комиссия түзүшүбүз керек", — деди Икрамов.

Ошондой эле жакында жазгы талаа иштери башталарын белгилеп, маселени эртерээк күн тартибине киргизип кароо керектигин айтты.

Төрткүл суу сактагычына агып түшкөн суунун башы Тажикстан менен чектешет.

Тема боюнча

Жээнчороев: президенттердин башын жуткан кошоматчыларды люстрациялаш керек. Видео
Белгилер:
Тажикстан, Улукбек Марипов, Тазабек Икрамов, Баткен, канал, суу сактагычы

ЭҢ МААНИЛҮҮ