05:19 07 Жалган Куран 2021
Түз эфир
  • USD84.8000
  • EUR101.1579
  • RUB1.1394
Коом
Кыскача шилтеме алуу
182 0 0

Кальянды тамеки тартуунун коопсуз ыкмасы деп эсептегендер жаңылышат. Анткени кальян чегүү дем алуу органдарынын майда бөлүкчөлөрүн дагы жабыркатып, ракты пайда кылышы мүмкүн.

БИШКЕК, 26-янв. — Sputnik. Дарыгер жана теле алып баруучу Александр Мясников "Россия 1" телеканалынын эфиринде кальяндын кадимки тамекиге караганда зыяндуу экенин айтып берди. Бул тууралуу РИА Новости жазып чыкты.

Дарыгердин айтымында, бул каражатты тамеки тартуунун коопсуз ыкмасы деп эсептегендер олуттуу жаңылышат.

"Чындыгын айтканда, биз кальян чеккен учурда бир жарым куту тамеки чеккенге барабар болгон зыяндуу заттарды денебизге сиңиребиз", — деп түшүндүрдү Мясников.

Кальян чегүү дем алуу органдарынын майда бөлүкчөлөрүн дагы жабыркаткандыктан, мунун арты өпкө рагын пайда кылышы мүмкүн.

"Биз күйгөн микробөлүкчөлөрдү түтүн менен кошо тартканда өпкөдө микрокүйүктү пайда кылып, бул өпкө рагына себепкер болот", — деди ал.

Мясников тамеки тартуунун коопсуз түрү жок экендигин белгилеп, мүштөк менен сигаралардын ооз рагынын пайда болуу кооптуулугуна таасири чоң экенин кошумчалады.

Тема боюнча

Онколог кальян менен электрондук чылымдын зыянын айтып берди
Белгилер:
дарыгер, рак, зыян, чылым, тамеки, кальян

ЭҢ МААНИЛҮҮ