БИШКЕК, 31-окт. — Sputnik. Кыргызстанда кечээтен бери коронавирус үч кишинин өмүрүн алды. Бул тууралуу Республикалык штабдан кабарлашты.
Билдирмеге караганда, каза болгон үч бейтап тең Баткен облусунун тургундары.
Ушуну менен Кыргызстанда коронавирустан көз жумгандардын жалпы саны 1 145 болду. Ал эми жуктургандардын саны 58 878ге жетсе, анын ичинен 49 983 бейтап айыкты.
Өткөн суткада 484 кишиден коронавирус табылса, 461 бейтап ооруну жеңди
Медиктер арасында оору жуктурган жалпы 3 613 учур катталып, андан 3 324 медкызматкер ооруну жеңген.
