21:58 24 Жетинин айы 2020
Түз эфир
  • USD84.7900
  • EUR100.6754
  • RUB1.1184
Коом
Кыскача шилтеме алуу
283 0 0

Мурда чегерилип келген жөлөк пулга кошумча каражат алдыдагы алты ай үчүн гана берилет. Бул үчүн казынадан миллиондогон каражат талап кылынат.

БИШКЕК, 22-окт. — Sputnik. Кыргыз өкмөтү өлкөдө аз камсыз болгон үй-бүлөлөрдүн жөлөк пулуна 300 сом кошууну пландап жатат. Эмгек жана социалдык өнүктүрүү министрлиги бул боюнча токтом долбоорун коомчулуктун талкуусуна чыгарды. Алар коронавируска байланыштуу кырдаалдан жана өлкөдөгү азык-түлүктүн кымбатташынан улам ушундай чараларды көрүүнү чечишкен.
Маалыматка караганда, бул 300 сом буга чейин "үй-бүлөгө көмөк" жөлөк пулун (810 сом) алып жүргөндөргө кошулат. Каражат 16 жашка чейинки балдары бар үй-бүлөлөргө берилет.

Бул мыйзам долбоору өкмөт тарабынан колдоого алынса, анда жогоруда айтылган үй-бүлөлөр алдыдагы жарым жылда, тактап айтканда, 2020-жылдын ноябрынан 2021-жылдын апрелине чейин ай сайын 300 сомдон алышат.

КРде балдар жакырчылыкка кабылышы мүмкүн. COVID-19дун экономикалык кесепети

Алдын ала эсептөөлөр боюнча, пандемиядан улам жөлөк пул алуучулар дагы 67,2 миң адамга көбөйөт. Учурда аз камсыз болгон үй-бүлөлөрдөн жалпысынан 314 676 адам "үй-бүлөгө көмөк" жардамын алышат.

Эмгек жана социалдык өнүктүрүү министрлиги бул үчүн бюджеттен 694,2 миллион сом керектелерин белгилейт.

Мыйзам долбоору тууралуу кененирээк маалыматты өкмөттүн расмий сайтынан алууга болот.

Тема боюнча

COVID: КРге канча акча жардам катары келип, алар кайда жумшалды
Белгилер:
Эмгек жана социалдык өнүгүү министрлиги, үй-бүлө, жакырчылык, жөлөк пул, Кыргызстан

ЭҢ МААНИЛҮҮ