БИШКЕК, 17-июл. — Sputnik. Нарындын ооруканаларында коронавирус менен ооругандар үчүн 447 орун, ал эми убактылуу дарылоо жайларында 1 200 орун камдалган. Бул тууралуу өкмөттүн Нарын облусундагы өкүлчүлүгү билдирди.
Ага ылайык, учурда ооруканаларда коронавирустан 314 киши дарыланып жатса, 133 бош орун бар.
Мындан сырткары, күндүзгү стационарлар уюштурулуп, 141 имаратта 1 200 орун даярдалган. Алар ачылгандан бери 16 миңден ашуун бейтап кабыл алынган.
Талас облусундагы күндүзгү стационарлардын дайын-дареги. Тизме
Ал эми абалдын курчуп кетишин алдын алуу максатында Ат-Башыдагы Ак-Муз айылындагы аймактык оорукананын филиалында — 20, Казыбек айылындагы Үй-бүлөлүк дарыгерлер тобунда — 20, Ат-Башы айылындагы Шералиев мектебинде 25 орун бар.
Ак-Талаа районунун Баетов айылындагы Карасартов мектебинде 50 орун, Жумгал районунун Үй-бүлөлүк дарыгерлер борборунун администрациясында 20 орун жана Кочкор районундагы №15 кесиптик лицейдин имаратында 30 орун беленделген.
Мындан тышкары, Нарын шаарындагы "Ас-Салам" кайрымдуулук фонду тарабынан салынган "Билим булагы" мектеп комплексинин имаратында 150 орун даярдалган.
Коронавирус, пневмонияга кабылгандардын дарысы да акысыз болобу? Расмий жооп
Буга кошумча түнкү стационарларды ачуу колго алынып, Нарын шаарындагы эки жерде 19 орун камдалган. Ал эми Ат-Башы районундагы Керимбаев мектебиндеги 52 орундуу стационар күндүзгү жана түнкү дарылоо иштерин жүргүзүүдө.
Ошондой эле ишкерлер обсервация үчүн мейманканаларын берип жатканы кошумчаланды.
