Өлкөнүн 40 районунда кеминде 200 орундуу күндүзгү стационарлар ачылат

© Sputnik / Табылды КадырбековДетское отделение Национального центра онкологии и гематологии в Бишкеке
Детское отделение Национального центра онкологии и гематологии в Бишкеке - Sputnik Кыргызстан
Жазылуу
Өкмөт башчы ушундай жол менен оорунун өтүшүп кетишине жол бербөөгө мүмкүнчүлүк түзүлө турганын белгиледи.

БИШКЕК, 7-июл. — Sputnik. Өлкөнүн ар бир аймагында, тагыраагы, 40 райондо алгачкы медициналык жардам берүү үчүн күндүзгү стационарлар ачылат. Бул туурасында премьер-министр Кубатбек Боронов брифинг учурунда билдирди.

Анын айтымында, стационарлар эртеңкиге чейин пайдаланууга берилиши керек.

Бишкекте ишкерлер менен ЖК депутаттары 5 күндүзгү стационар ачат

"Ар бир районго 200 орундан кем эмес күндүзгү стационарлар ачылсын деген тапшырма бердик. Андан сырткары, ар бир айылда ФАПтарга чейин алгоритм иштелип чыкты. Айылдарда пайда болгон ооруларды алдын алуу чаралары жүргүзүлөт. Көп болсо төрт-беш күндүн ичинде Бишкектеги маселени ордуна коюп алсак, айылдарда алдын алуу иштери күчөтүлөт", — деди Боронов.

Ошондой эле ал ушундай жол менен пневмония жана коронавирус жуктургандардын оорусунун өтүшүп кетишине жол бербөөгө мүмкүнчүлүк түзүлөрүн белгиледи.

Мындан сырткары, өкмөт башчы жарандарга кайрылып, башка региондордон Бишкекке келбей турууну жана шаардан чыкпай турууну суранды. Борбор калаада абал оор экенин эскертти.

Жаңылыктар түрмөгү
0