БИШКЕК, 7-июл. — Sputnik. Бишкек шаардык Дене тарбия жана спорт башкармалыгынын директору Нурлан Токоноев спортчуларга кайрылып, коронавирус менен күрөшүүгө жардам көрсөтүүгө чакырды.
Ал машыктыруучуларды, спортчуларды жана спорт федерацияларын күндүзгү стационарларды ачуу иштерине жардам берүүгө жана нөөмөткө турууга келишин суранууда.
Имарат берип, жабдуу таап, медик чогултуп... Эл ооруга каршы бир муштумга түйүлгөндө
"Элге кызмат кыла турган убакыт келди. Кереги жок талкууларды, бири-бирибизге баа берүүнү токтотуп, ушундай оор кырдаалда колдоо көрсөтөлү. Спорчулар ар дайым өлкөнүн флагманы болуп келген жана боло берет эмеспи. Келгиле, спортчулардын штабын түзөлү, стационарларды даярдоого көмөктөшүп, бейтаптарды ташып колубуздан келген жардамды көрсөтөлү. Бул илдетке каршы бир муштум болуп түйүлөлү! Биз чыкпасак, анан ким?!" — деп кайрылды Токоноев.
Ошондой эле ал учурда калк алардын жардамына муктаж болуп жатканын кошумчалады.
Байлыныш номерлери:
Наргиза Дербишева - 0312 442951; 0703 047917.
