Кыргызстанда 5-июндан тарта аймак аралык транспорт каттай баштайт

Жазылуу
Боронов элди бир аймактан экинчи аймакка автобус жана маршруттук таксилер менен ташуу коопсуз болушу керектигин эскерткен.

БИШКЕК, 3-июн. — Sputnik. Кыргызстанда 5-июндан тарта ички авиарейстер менен аймактар аралык коомдук транспорт иштеп баштайт. Бул тууралуу Республикалык штабдын жыйынында айтылганын өкмөт кабарлады.

Биринчи вице-премьер Кубатбек Боронов тиешелүү мамлекеттик органдар жана жергиликтүү бийлик органдары алгоритмди так аткарууга, санитардык чаралардын сакталышын көзөмөлдөөгө даяр болушу керектигин белгилеген.

"Учакта сөзсүз бет кап тагынышсын жана дене табы өлчөнсүн. Автобус жана маршруттук такси менен ташууну уюштуруу коопсуз болушу шарт. Алар бардык санитардык нормаларды сактоо менен бара жатканына ишенимдүү болушубуз керек", — деп Боронов Транспорт жана жолдор министрлигине тиешелүү тапшырмаларды берген.

Муну менен катар биринчи вице-премьер Бишкекте инфекциянын жугуу коркунучу жогору болуп турганын айтып, олуттуу жагдайлар болбосо борборго келбей турууну сунуштаган.

Белгилей кетсек, буга чейин ички рейстердин иши 8-июнда жандана турганы айтылган.

Жаңылыктар түрмөгү
0