03:39 15 Теке 2020
Түз эфир
  • USD77.5098
  • EUR87.9814
  • RUB1.0897
Коом
Кыскача шилтеме алуу
Коронавируска байланыштуу Кыргызстандагы кырдаал (1886)
82 0 0

Россиядагы университеттерде окууну каалаган абитуриент өзүнө ыңгайлуу күндү тандап экзамен тапшыра алат. Болгону интернеттин жана камеранын сапатын текшерип, техникалык мүмкүнчүлүктөрдү жакшыртып алышы шарт.

БИШКЕК, 2-июн. — Sputnik. Кыргызстандын абитуриенттери пандемияга карабай, Россиянын ЖОЖдоруна тапшыра алат. Окуу жайлардын жетекчилери "Россия сегодня" агенттигинде өткөн онлайн-маалымат жыйын учурунда окууга тапшыруунун жол-жоболорун айтып берди.

Тапшыруу сынактары дистанттык тартипте өткөрүлмөкчү.

Россиянын Плеханов атындагы экономика университетинин проректору Петр Карасевдин айтымында, университеттерге онлайн-көзөмөлдөө системасы орнотулат. Россиянын ЖОЖдорунан окугусу келген абитуриент өзүнө ыңгайлуу күндү тандап экзамен тапшыра алат. Система күнү-түнү иштейт. Болгону интернеттин жана камеранын сапатын текшерип, техникалык мүмкүнчүлүктөрдү жакшыртып алышы шарт.

Тыпшыруу сынактарынын гана эмес, документтерди кабыл алуунун дагы формасы өзгөрмөкчү.

"Бул үчүн биздин "Абитуриенттин кабинети" деген атайын интернет-модуль бар. Ошол аркылуу бардык документтердин сканерден өткөрүлгөн көчүрмөлөрүн, окууга кабыл алуу боюнча арызды жөнөтүүгө болот", — деди Сибирь федералдык университетинин ректору Максим Румянцев.

Адистер абитуриенттер менен ата-энелерди кызыктырган бардык суроолорго аралыктан жооп берүүгө даяр экенин айтышат. Ошондой эле ЖОЖдордун көп маалыматтар камтылган сайттары иштеп жатат.

"Окуу жайлардын сайттарында студенттер менен жолугушуулардын видеолору жүктөлгөн. Анда ар кайсы программалар тууралуу суроо-жооптор бар", — деди Түштүк-Урал мамлекеттик университетинин ректору Александр Шестаков.

Анын айтымында, окуу жай Казакстан, Тажикстан, Өзбекстан, Кыргызстан сыяктуу өлкөлөр менен кызматташып келет.

Ал эми Балтика федералдык университетинин ректору Александр Федоров студент кандайдыр бир себептер менен учурунда окууга келе албай калса, аны күтүп, атайын шарттар түзүлөрүн белгиледи.

"Эгер эпидемиологиялык абал турукташпай турган болсо, окуу жылын аралыктан баштай беребиз", — деди Федоров.

Ошентип Россиянын окуу жайлары дүйнөдө түзүлгөн абалга карабай, алыскы жана жакынкы өлкөлөрдөн студенттерди кабыл алууга даяр экенин билдирди.

Тема:
Коронавируска байланыштуу Кыргызстандагы кырдаал (1886)

Тема боюнча

Аттестат качан берилип, ЖОЖдор кантип кабыл алат? Бүтүрүүчүнүн 8 суроосуна жооп
Белгилер:
билим берүү, абитуриент, Университет, Кыргызстан, Россия

ЭҢ МААНИЛҮҮ