04:23 15 Теке 2020
Түз эфир
  • USD77.5098
  • EUR87.9814
  • RUB1.0897
Коом
Кыскача шилтеме алуу
Кыргызстандагы коронавирус жуктуруп алгандар (1109)
1337 0 0

Бүгүн эртең мененки маалыматта Кыргызстан боюнча COVID-19ду 74 киши жуктуруп алганы белгилүү болгон. Алардын дээрлик жарымы Ош шаарынан экени айтылган.

БИШКЕК, 28-май — Sputnik. Ош шаарында бир сутка ичинде коронавирус табылган 35 учурдун 34ү буга чейин төрөтканада карантинге алынгандардан чыкты. Бул тууралуу Саламаттык сактоо министрлигинин маалымат кызматы билдирди.

Эске сала кетсек, бүгүн эртең мененки маалыматта Кыргызстан боюнча 74 киши вирус жуктуруп алганы белгилүү болгон. Анын дээрлик жарымы Ош шаарынан экени айтылган.

"Ош шаардык перинаталдык борборунда жаткандарда буга чейин вирус тастыкталгандыктан, ал жактагы аялдар менен медицина кызматкерлери карантинге алынган. Экинчи ПЦР-тесттин жыйынтыгы менен бир суткада 35 учур катталды. Алардын он беши ак халатчандар, 14ү жаңы төрөгөндөр, бешөө ымыркай, бирөө жөн гана бейтап", — деди министрлик.

Ош шаардык төрөтканада вирус жуктурган алгачкы учур 12-майда катталып, жаткандар обсервацияга алынган.

Ал эми Ош шаардык мэриясы учурда кош бойлуулар ушул эле калаадагы облустук оорукананын төрөт бөлүмүнө кайрылып жатканын билдирди. Мэрия жарандарды обсервация эрежелерин так сактоого чакырууда.

Кыргызстанда коронавирус жуктуруп алгандардын саны 1594кө жетти. Коронавирустан 1066 бейтап айыгып чыгып, тилекке каршы, 16 адам көз жумду.

11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагында карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.

Өлкөдөгү абал тууралуу Sputnik Кыргызстан тексттик баяндама жүргүзүүдө.

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

Тема:
Кыргызстандагы коронавирус жуктуруп алгандар (1109)

Тема боюнча

Коронавирустун экинчи толкунуна даярдык. Министрлик элге кайрылды
Министрлик: COVID-19 жуктургандар ким менен байланышта болгонун билбей жатышат
Белгилер:
ымыркай, медик, төрөткана, коронавирус, министрлик, мэрия, Ош шаары

ЭҢ МААНИЛҮҮ