18:36 07 Теке 2020
Түз эфир
  • USD77.6875
  • EUR87.5150
  • RUB1.0764
Коом
Кыскача шилтеме алуу
Коронавируска байланыштуу Кыргызстандагы кырдаал (1781)
258 0 0

Ош облусуна барган мигранттар 14 күн өткөнгө чейин үйдөн чыкпай, карантинди сактоо милдеттендирилди. Ар биринин колуна эскертүү баракчалары берилген.

БИШКЕК, 20-май — Sputnik. Россиянын Соль-Илецк шаарынан Ош облусунун аймагына келген 93 эмгек мигранты үй карантинине алынып, эрежелерди сактоого милдеттендирилди. Бул тууралуу облустук ички иштер башкармалыгынын маалымат катчысы Жеңишбек Аширбаев билдирди.

Буга чейин РФтин аталган шаарынан автобус менен 7-майда алып келинген 541 жаран "Семетей" обсервациясына жайгаштырылган болчу.

Өкмөттүн Талас облусундагы өкүлү Марат Мураталиев. Архивдик сүрөт
© Фото / пресс-служба полпредства правительства в Таласской области
18-майда "Манас" аэропортунун жанындагы Американын мурдагы "Ганси" авиабазасынын аймагында жайгашкан "Семетей" обсервациясында жаткандар жаңжал чыгарган.

Алардын 19у калтырылып, анализи эки жолку текшерүүдөн кийин тазаларынын баары үй карантинге кое берилген.

Учурда Ош облусундагы ар бир райондогу тиешелүү кызматкерлер алардын көзөмөлгө алынганы айтылды. 93 жарандын ар бири жергиликтүү үй-бүлөлүк дарыгерлер тобунун жана милициянын байкоосунда турат.

"Алар 14 күн өткөнгө чейин үйдөн чыкпай, карантинди сактоого милдеттендирилди. Ар биринин колуна эскертүү баракчалары берилген. Эгер карантиндин эреже-нормаларын сактабай буза турган болсо, жоопко тартылат", — деди Аширбаев.

Мигранттар Бишкектен аймактарга жөнөтүлүп, 18-майда Россиянын Соль-Илецк шаарынан келген 51 адам Талас облусуна кирери менен обсервацияга алынган. Алардан кошумча дагы ПЦР-анализ алынып, карантиндик жайда беш күн болот.

Коронавирус кесепети

Кыргызстанда коронавирус жуктуруп алгандардын саны 1270 болуп, анын 910у айыкты. Тилекке каршы, 14 киши каза тапкан.

11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагында карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.

Ушу тапта өлкө аймагында абал кандай болуп жатканын Sputnik жүргүзгөн тексттик трансляциядан билүүгө болот.

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

Тема:
Коронавируска байланыштуу Кыргызстандагы кырдаал (1781)

Тема боюнча

Чуу салса эле обсервациядан чыгабы? "Гансидеги" жаңжал боюнча Үсөнбаевдин жообу
Боронов сырттан келгендерге кайрылып, медиктердин талабын аткарууну өтүндү
"Гансидеги" обсервациядан чыр салып чыгарылгандар Таластан карантинге алынышты
Белгилер:
коронавирус, обсервация, Талас облусу, Ош облусу, Кыргызстан

ЭҢ МААНИЛҮҮ