22:18 20 Үчтүн айы 2021
Түз эфир
  • USD84.8000
  • EUR102.9133
  • RUB1.1560
Коом
Кыскача шилтеме алуу
453 0 0

Эгер мыйзам долбоору ушул калыбында кабыл алынып калса, анда интернет колдонуучулардын үн менен жазылган маалыматтары, жазылган тексттери, сүрөттөрү жарым жылга чейин сакталат.

БИШКЕК, 14-май — Sputnik. Кыргызстанда "Маалыматты манипуляциялоо жөнүндө" мыйзам долбоору коомдук талкууга коюлду. Долбоор Жогорку Кеңештин сайтына жарыяланган.

Демилгечилери — эл өкүлдөрү Гүлшат Асылбаева жана Айнура Осмонова. Мыйзам долбоор тогуз беренеден турат. Анда интернет колдонуучуларынын, сайт ээлеринин жана провайдерлердин милдеттери тууралуу жазылган.

Интернет колдонуучулары, сайт, сайттын баракча ээлери

Мыйзам долбоорунда буларга карата төмөнкү милдеттер көрсөтүлгөн:

  • Юридикалык жактан маанилүү билдирмелерди жөнөтүп туруу үчүн сайтка же баракчага фамилия жана башка өзү тууралуу маалыматтарын, электрондук дарегин жайгаштыруусу керек;
  • Сайт, сайттын баракчасы жалган же анык эмес маалыматты жайылтуусуна жол бербөө;
  • Тыюу салынган маалыматка кирүүгө чектөө киргизиши зарыл;
  • Маалыматты мыйзамда белгиленген талаптарга ылайыктуу кылып камсыз кылуу шарт.

Интернетти өчүрүп салышабы?

Жалган маалымат аныкталган учурда ыйгарым укуктуу мамлекеттик орган провайдерге, сайттын же анын баракчасынын ээсине соттун катышуусу жок эле чектөө жөнүндө чечим чыгара алат. Эгер ыйгарым укуктуу органдын жалган маалыматты алып салуу билдирмесин тоготпой же аткарбай койсо, сайт ээлерине карата ал орган сотко кайрылууга укуктуу.

Үн менен жазылган, тексттик жазуулар жарым жылга чейин сакталат

Мыйзам долбоорунда жазылгандай, провайдер интернет колдонуучуларынын үнү менен жазылган маалымат, текст, сүрөт же башка электрондук маалыматтарын алты айга чейин сактап коюусу керек. Зарыл болгон учурда аларды сот, ыкчам-иликтөө ишмердигин жүргүзгөн ыйгарым укуктуу органдарга берүүгө милдеттүү.

Мыйзам долбоорунун текстин толугу менен Жогорку Кеңештин сайтынан таба аласыздар.

Тема боюнча

Өкмөт бюджеттин 10,3 млрд сом чыгымын кыскартат. Кайсы тармак кертилет
Кыргызстанда быйыл канча бала мектепти аяктаары айтылды
Белгилер:
жалган маалымат, интернет-провайдер, сайт, долбоорлор, мыйзам

ЭҢ МААНИЛҮҮ