Улуттук коопсуздукка доо кетпесин! Министр фейк маалымат тараткандарга кайрылды

© AFP 2023 / VYACHESLAV OSELEDKOУлуттук Ардак Гвардиянын жоокерлери. Архив
Улуттук Ардак Гвардиянын жоокерлери. Архив - Sputnik Кыргызстан
Жазылуу
Министр Айдарбеков элге кайрылып, так маалыматты ишенимдүү жана компетенттүү мамлекеттик органдардан гана алуу керектигин айтты.

БИШКЕК, 12-май — Sputnik. Тышкы иштер министри Чыңгыз Айдарбеков брифинг учурунда айрым адамдарды жеке кызыкчылыгы үчүн кара пиар жасабоого жана бирөөнүн заказын аткарбоого чакырды.

Анан айтымында, мындай көрүнүштөр коомдогу туруктуулукка жана улуттун коопсуздугуна доо кетириши мүмкүн.

"Бүгүнкүдөй пандемия шартында биз сыртта жүргөн бардык мекендештерибиздин Кыргызстанга аман-эсен кайтып келишин көздөйбүз. Бул үчүн дипломат, элчилерибиз күнү-түнү жанын сабап иштеп, сүйлөшүүлөрдү жүргүзүп жатат. Ал эми айрым бейөкмөт уюмдардын, жеке тараптардын орунсуз каралоосу алардын ишине тоскоол болууда. Адистерибиз чоң эмгек жумшап жолго коюп жаткан нерселер негативден улам жокко чыгып кетиши мүмкүн", — деди Айдарбеков.

Ошондой эле ал жалган жалаа бүтүндөй мамлекеттин коопсуздугуна, элдин ынтымагына коркунуч жаратып жатканын белгиледи.

Мындан тышкары министр элге кайрылып, так маалыматты ишенимдүү жана компетенттүү мамлекеттик органдардан гана алуу керектигин айтты.

Коронавирустун кесепети

Кыргызстанда коронавируска кабылгандардын саны 1037ге жетип, анын ичинен 709и айыгып чыкты. Тилекке каршы, 12 бейтап каза болуп калды.

Эл аралык аэропортунда жүргүнчүлөр. Архив - Sputnik Кыргызстан
Айдарбеков: май айында дагы миң кыргызстандык мекенине алып келинет
11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагына карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.

Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.

Кабарларды ыкчам, ыңгайлуу шартта окуу үчүн Telegram-каналыбызга баш багыңыз.

Жаңылыктар түрмөгү
0