БИШКЕК, 14-май — Sputnik. Акыркы суткада медицина кызматкерлеринин арасынан коронавирусту жуктурган алты учур катталды. Бул тууралуу саламаттык сактоо министринин орун басары Мадамин Каратаев брифинг учурунда билдирди.
“Алардын бешөө Бишкек шаарында, бири Ош шаарында иштейт”, — деди Каратаев.
Ушуну менен COVID-19 аныкталган медкызматкерлердин саны 247 болду. Анын 192си ооруканадан айыгып чыккан.
Ушу тапта Кыргызстанда кырдаал кандай болуп жатканын Sputnik агенттиги жүргүзгөн тексттик трансляциядан билүүгө болот.
