Дүйнөдө ачарчылык болот деген кооптуулук бар. Чодуев дыйкандарга кайрылды

© Фото / Республиканский штаб КР по борьбе с COVID-19Айыл чарба, тамак-аш өнөр жайы жана мелиорация министри Эркинбек Чодуев. Архив
Айыл чарба, тамак-аш өнөр жайы жана мелиорация министри Эркинбек Чодуев. Архив - Sputnik Кыргызстан
Жазылуу
Министр дыйкандарды бош жер калтырбай эгин эгүүгө, сууну үнөмдөөгө жана мамлекет тарабынан жеңилдетилген насыяларды туура багытка жумшоого чакырды.

БИШКЕК, 3-май — Sputnik. Айыл чарба, тамак-аш өнөр жайы жана мелиорация министри Эркинбек Чодуев брифинг учурунда дыйкандарга бир нече өтүнүч менен кайрылды.

“Коронавирус пандемиясы учурунда азык-түлүк коопсуздугу канчалык маанилүү экени мурдагыдан дагы ачык-айкын болду. Анын үстүнө БУУнун адистери алдыда ачкачылык болорун болжолдоп жатышат”, — деди министр.

Мындан улам Чодуев бир дагы сотых жерди бош калтырбай, эгин эгүүнү сунуштады.

“Экинчиден, кургакчылык болору дагы айтылууда. Андыктан сууну үнөмдүү пайдаланалы. Өзгөчө тамчылатып сугаруу ыкмасы пайдалуу экенин айта кетейин”, — деди ал.

Ошондой эле дыйкандарга мамлекет тарабынан жеңилдетилген шартта берилип жаткан кредиттерди алып, күнөскана, класстердик ыкма жана кайра иштетүү чарбаларын өнүктрүүгө жумшоо сунушталды.

Эске салсак, Бириккен Улуттар Уюмунун (БУУ) Азык-түлүк боюнча дүйнөлүк программасынын аткаруучу директору Дэвид Бизли коронавирус пандемиясынан улам адам баласы массалык ачкачылыкка кабылышы мүмкүн экенин айткан.

Коронавирус тууралуу

Депутат, торага Джалал-Абадского городского кенеша Мураталы Тагаев - Sputnik Кыргызстан
Бир жарым айлык мээнет текке кетпесин! Жалал-Абаддын мэри элге кайрылды
2019-жылдын декабрь айынын аягында Ухань шаарында белгисиз өпкө оорусу жайылып баратканы байкалган. Оору деңиз азыктарын саткан базардан тараган. Адистер дарттын козгогучу коронавирустун 2019-nCoV деп аталган жаңы тиби экендигин боолголошкон. 11-март күнү Дүйнөлүк саламаттык сактоо уюму коронавирус боюнча дүйнөдө пандемия жарыялаган. Учурда вирус 200дөй өлкөгө жайылды, ага каршы вакцина табыла элек.

Жон Хопкинс атындагы университеттин Системалуу изилдөө жана инжиниринг борборунун сайтындагы маалыматка ылайык, 3-майга карата дүйнө жүзү боюнча коронавирус жуктургандардын саны 3 428 425ке жетти.

Жаңылыктар түрмөгү
0