19:04 30 Бугу 2020
Түз эфир
  • USD73.7678
  • EUR82.0114
  • RUB1.0426
Коом
Кыскача шилтеме алуу
Кыргызстандагы коронавирус жуктуруп алгандар (874)
1721 0 0

Бул ооруканадан эки бейтап айыгып чыккан. Бирок 15 медик COVID-19 жуктуруп алышы мүмкүн деп обсервацияга жаткырылган.

БИШКЕК, 6-апр. — Sputnik. Ишиндеги кемчиликтер үчүн кызматтык тириштирүү жүргүзүлөт делген Ала-Бука райондук ооруканасынын башкы дарыгери Бактыгүл Алибаевадан Sputnik Кыргызстан агенттигинин кабарчысы комментарий алды.

Белгилей кетсек, 5-апрелде Республикалык штаб Саламаттык сактоо министрлигине медицина кызматкерлеринин коопсуздугу боюнча тийиштүү деңгээлде иш алып барбагандыгы үчүн оорукананын башкы дарыгерине кызматтык териштирүү жүргүзүүнү тапшырган. Бирок ал ишинде кандай кемчилик кетиргени так айтылган эмес.

Бул боюнча башкы дарыгер өзү дагы түшүндүргөн жок, бирок колдон келген аракетти жасап жатканын билдирди.

“Бизге бардык инструктаж өтүлгөн, протоколдор бар. Медицина кызматкерлерине түшүндүрүлгөн, эрежелердин баарын билген. Кандай кемчилик болгонун кызматтык териштирүү аныктайт. Мен колумдан келген аракетимди жасадым, ар бир жетекчи өзүнүн коллективин ойлойт. Керектүү каражаттар менен камсыздагам”, — деди башкы дарыгер.

Ошондой эле ал учурда Ала-Бука райондук ооруканасында көп жолу колдонуучу медициналык коргоочу каражаттар жетиштүү, бирок бир жолку колдонуучу каражаттарга муктаждык бар экенин кошумчалады. Ал боюнча сурам жиберилип, азырынча келе электигин айтты.

Белгилей кетсек, жакында эле ушул ооруканадан коронавирус жуктурган эки адам айыгып чыккан. Ошол эле учурда 15 медик COVID-19 жуктуруп алышы мүмкүн деп обсервацияга жаткырылган.

Соңку маалымат боюнча, Кыргызстанда коронавирус жуктурган адамдардын саны 216га жетти. Анын ичинен төрт адамдын каза болгону кабарланды. Ал эми 42 киши ооруну жеңип чыкты.

Тема:
Кыргызстандагы коронавирус жуктуруп алгандар (874)

Тема боюнча

Кыргызстанда 33 адам коронавирустан сакайды
Ошто чет өлкөдөн коронавирус жуктуруп келген аялдын күйөөсү каза болду
Белгилер:
коронавирус, медицина, териштирүү, дарыгер, Ала-Бука

ЭҢ МААНИЛҮҮ